बाँकेमा मंगलबार ४२ जना कोरोना संक्रमित थपिए- प्रदेश ५ - कान्तिपुर समाचार

बाँकेमा मंगलबार ४२ जना कोरोना संक्रमित थपिए

रुपा गहतराज

नेपालगन्ज — बाँकेमा मंगलबार ४२ जना कोरोना संक्रमित निको भएर फर्केको दिन ४२ जना नै कोरोना संक्रमित थपिएका छन् । स्वास्थ्य कार्यालय बाँकेका फोकल पर्सन नरेश श्रेष्ठका अनुसार भेरी अस्पतालमा ठूलो संख्यामा कोरोना संक्रमित पुष्टि हुँदा प्रहरीसहितका संक्रमितमा वडा ९ र १० नम्बरका धेरै रहेका छन् । अस्पतालले दुई सय जनाको परीक्षण गर्दा ४२ जनामा कोरोना संक्रमण पुष्टि भएको स्वास्थ्य कार्यालयले जनाएको छ ।

योसँगै बाँकेमा कोरोनाबाट संक्रमित हुनेको संख्या १ हजार ५ सय ११ पुगेको छ । जसमध्ये ८ जनाको मृत्यु भइसकेको छ भने १ हजार ७८ जना कोरोनामुक्त भइसकेका छन् । ४ सय २६ जना संक्रमितहरु विभिन्न आइसोलेसन सेन्टरमा उपचाररत रहेको स्वास्थ्य कार्यालयले जनाएको छ ।

प्रकाशित : भाद्र ३०, २०७७ १९:०७
प्रतिक्रिया
पठाउनुहोस्

युवराज खतिवडा प्रधानमन्त्रीको विशेष आर्थिक सल्लाहकार नियुक्त, मन्त्रीसरह सुविधा पाउने

कान्तिपुर संवाददाता

काठमाडौँ — सरकारले पूर्वअर्थमन्त्री युवराज खतिवडालाई प्रधानमन्त्री केपी शर्मा ओलीको विशेष आर्थिक सल्लाहकार नियुक्त गरेको छ । सोमबार बसेको मन्त्रिपरिषद् बैठकले पूर्वअर्थमन्त्री खतिवडालाई प्रधानमन्त्रीको विशेष आर्थिक सल्लाहकारमा नियुक्त गरेको सरकारका प्रवक्तासमेत रहेका परराष्ट्रमन्त्री प्रदीपकुमार ज्ञवालीले जानकारी दिए ।

मन्त्रिपरिषद् बैठकको निर्णय सार्वजनिक गर्न मंगलबार सञ्चार मन्त्रालयमा गरिएको पत्रकार सम्मेलनमा प्रवक्ता ज्ञवालीले खतिवडालाई मन्त्रीसरह सुविधा पाउने गरी आर्थिक सल्लाहकार नियुक्त गरिएको जानकारी दिएका हुन् ।

राष्ट्रियसभा सदस्य कार्यकाल भदौ २० मा सकिनुअघि नै खतिवडाले भदौ १९ गते अर्थमन्त्रीबाट राजीनामा दिएका थिए । उनको ठाउँमा सरकारले वामदेव गौतमलाई मनोनीत गर्न राष्ट्रपतिसमक्ष सिफारिससमेत गरिसकेको छ ।

प्रकाशित : भाद्र ३०, २०७७ १९:०६
पूरा पढ्नुहोस्
प्रतिक्रिया
पठाउनुहोस्
×