दाङमा साेमबार थपिए ४४ कोरोना संक्रमित
दाङ — दाङमा सोमबार ४४ जना नयाँ कोरोना संक्रमित थपिएका छन् । राप्ती स्वास्थ्य विज्ञान प्रतिष्ठान घोराहीमा गरिएको स्वाब परीक्षणमा ४४ जनामा कोरोना संक्रमण पुष्टि भएको स्वास्थ्य कार्यालयका कोरोना फोकल पर्सन कमल चन्दले बताए ।
घोराही उपमहानगरपालिकामा १९ जना, शान्तिनगर गाउँपालिकामा १७ जना र बबई गाउँपालिकामा ८ जनामा कोरोना पोजिटिभ देखिएको हो ।
यससँगै दाङमा कोरोना संक्रमित हुनेको संख्या ९ सय १९ पुगेको छ । जसमध्ये ७ सय ४३ जना संक्रमित निको भएर घर फर्किएका छन् । हालसम्म कोरोना संक्रमणबाट दाङमा २ जनाको मृत्यु भइसकेको उनले बताए ।
प्रकाशित : भाद्र २९, २०७७ १७:२१प्रतिक्रिया