भारतबाट अवैध रुपमा भित्र्याइएको सामान बरामद
बर्दिया — बिहीबार राति बर्दियाका विभिन्न नाकाबाट अवैध रुपमा भित्र्याइएको २ लाख १९ हजार मूल्य बराबरको सामान सशस्त्र प्रहरी बलले बरामद गरेको छ । जिल्लाको जमुनी, गुलरिया लगायतका चोरी नाकाबाट भित्र्याइएको कपडा, सुर्तीजन्य पदार्थ, मेसिनेरी सामान लगायतका सामान बरामद गरेपनि तस्कर भने फरार भएका छन् ।
सिमामा सशस्त्र प्रहरी बल तैनाथ भएपछि अहिलेसम्मको ठूलो परिमाणका अवैध रुपमा भित्राएको सामान बरामद गरेको हो ।
सशस्त्र प्रहरी बल नेपाल ३१ नम्बर गण हेडक्वाटर बर्दियाका प्रहरी नायब उपरीक्षक गोविन्दबहादुर केसीले बरामद गरिएको सामान आवश्यक कारबाहीका लागि भन्सार कार्यालय बुझाएको जनाए ।
प्रकाशित : भाद्र १२, २०७७ १३:४४प्रतिक्रिया