बुटवल कोरोना अस्पतालमा मृत्यु भएका युवाको पीसीआर रिपोर्ट नेगेटिभ

कपिलवस्तुको कृष्णनगर नगरपालिकाका तेलीलाई श्वासप्रश्वासमा समस्या देखिएपछि मंगलबार बुटवलस्थित अस्पताल ल्याएर भेन्टिलेटरमा राखिएको थियो । बुधबार साँझ आएको पीसीआर रिपोर्टमा तेलीलाई कोरोना संक्रमण नदेखिएको अस्पतालका फोकल पर्सन डाक्टर सुदर्शन थापाले बताए ।

थापाका अनुसार तेलीको मिर्गौला फेल भएको थियो । तेली यही साउन २४ गते भारतको मुम्बईबाट घर आएका थिए । आउँदा नै बिरामी परेका उनले स्थानीय अस्पतालमा उपचार गराएका थिए ।

श्वासप्रश्वासमा समस्या देखिनुका साथै कोरोनासँग मिल्दोजुल्दो लक्षण देखिएपछि उनलाई कोरोना अस्थायी अस्पतालको भेन्टिलेटरमा राखेर उपचार गरिएको थियो ।