नेपालगन्ज मेडिकल कलेजमा उपचारका क्रममा मृत्यु भएका पुरुषमा कोरोना पुष्टि

अछाम चौरपाटि– ५ का ती पुरुष दुवै फोक्सोमा निमोनिया भएका कारण साउन २० गतेदेखि अस्पतालमा उपचार गराइरहेका थिए । सोमबार साँझ आएको मृतकको स्वाब परीक्षणको रिपोटमा कोरोना संक्रमण पुष्टि भएको अस्पतालका सहायक निर्देशक डा. दिनेश श्रेष्ठले बताए ।

‘आइतबार साँझ उपचार गर्दागर्दै उहाँको मृत्यु भयो । अहिले रिपोर्ट पाजिटिभ देखियो,’ उनले भने । अस्पतालका कर्मचारीको अभावले काम गर्नसमेत गाह्रो भएको बताए ।

यसअघि बाँकेमै सोमबार मात्र कोहलपुर–२ की महिला, बैजनाथ गाउँपालिकाकी एक महिला र नरैनापुरका एक पुरुषले कोरानाबाट ज्यान गुमाएका थिए । योसँगै बाँकेमा कोरोनाबाट मृत्यु हुनेको संख्या ४ जना पुगेको छ ।