आफैंले थापेको पासोमा परेर मृत्यु- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

आफैंले थापेको पासोमा परेर मृत्यु

वीरेन्द्र केसी

अर्घाखाँची — बँदेल मार्न आफैंले थापेको पासोमा परेर छत्रदेव गाउँपालिका–३ बल्कोटका ५० वर्षीय तुल्सीराम पाण्डेको बिहीबार मृत्यु भएको छ ।

घरदेखि केही पर मकै बारी नजिकै उनले बाली खान आउने बँदेलका लागि विद्युतको नांगो तर बिच्छाएका थिए । तार बिच्छाएर हिँड्न थाल्दा चिप्लिएर लडेपछि उनलाई तारले छोएको थियो ।

बँदेल र बाँदरबाट बारीमा पाक्दै गरेका मकै जोगाउन आफैंले थापेको पासोमा परि पाण्डेका निधन भएको र घटनाको थप अनुसन्धान भइरहेको प्रहरी नायब उपरीक्षक माधव बुढाथोकीले बताए ।

प्रकाशित : श्रावण २२, २०७७ १६:४२
प्रतिक्रिया
पठाउनुहोस्

३६० जना कोरोना संक्रमित थपिए, २४ घन्टामा २३३ जना डिस्चार्ज 

कान्तिपुर संवाददाता

काठमाडौँ — नेपालमा थप ३६० जना कोरोना संक्रमित थपिएका छन् । स्वास्थ्य तथा जनसंख्या मन्त्रालयको बिहीबारको पत्रकार सम्मेलनमा प्रवक्ता डा. जागेश्वर गौतमले पछिल्लो २४ घन्टामा ३६० जनामा कोरोना संक्रमण पुष्टि भएको जानकारी दिएका हुन् । 

उनका अनुसार पछिल्लो २४ घन्टामा २३३ जना कोरोना संक्रमित निको भएर घर फर्कीएका छन् । यो सँगै निको हुनेको संख्या १५ हजार ३८९ जना पुगेको छ ।

मन्त्रालयका अनुुसार पीसीआर विधिबाट हालसम्म ४ लाख १९ हजार ५७५ परीक्षणहरु गरिएका छन् । त्यसैगरी पछिल्लो २४ घण्टामा भने ६ हजार ६२२ पीसीआर परीक्षण भएका छन् । हालसम्म क्वारेन्टाइनमा रहनेको संख्या ९ हजार ४७० जना रहेका छन् ।



स्रोत : स्वास्थ्य तथा जनसंख्या मन्त्रालय

प्रकाशित : श्रावण २२, २०७७ १६:३१
पूरा पढ्नुहोस्
प्रतिक्रिया
पठाउनुहोस्
×