पहिरोले च्याप्दा तीन मजदुर घाइते
पाल्पा — मोटरबाटोमा रिटेनिङ वाल उठाउने क्रममा माथिबाट खसेको पहिरोले च्यापेर तानसेन नगरपालिका–७, सुन्दरगाउँमा सोमबार तीन मजदुर घाइते भएका छन् ।
रोल्पा घर भएका कामदारहरु १९ वर्षीय कमलाल बुढा, २५ वर्षीय भुपेन्द्र बुढा र १८ वर्षीय जुना रोक्का रहेको प्रभास प्रहरी चौकी प्रमुख एक्काबहादुर नेपालीले बताए ।
घाइतेहरुको प्रहरी र स्थानीयको सहयोगमा उद्धार गरी लुम्बिनी मेडिकल कलेजमा प्रभासमा उपचार भइरहेको स्थानीय विनोदकुमार शर्माले जानकारी दिए । प्रहरीका अनुसार पहिरोमा ढुंगा नभएकाले ठूलो चोटपटक लाग्न नपाएकाले घाइतेको अवस्था सामान्य रहेको छ ।
प्रकाशित : असार २२, २०७७ १०:३८प्रतिक्रिया