कोरोना संक्रमित बोकेको एम्बुलेन्स दुर्घटनामा ३ घाइते- प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

कोरोना संक्रमित बोकेको एम्बुलेन्स दुर्घटनामा ३ घाइते

वीरेन्द्र केसी

अर्घाखाँची — कोरोना संक्रमित पुष्टि भएका ५ जनालाई खाँचीकोटबाट सन्धिखर्क आइसोलेसनमा ल्याउँदै गर्दा हिडिडाँडास्थित फर्जेङ खोलामा एम्बुलेन्स दुर्घटना हुँदा ३ जना घाइते भएका छन् । 

खाँचीकोटको आदर्श माविबाट सदरमुकामतर्फ आउँदै गरेको लु १ ज ३५३५ नम्बरको एम्बुलेन्स ओरालो झर्दा चिप्लिएर सडकबाट खसेर घरमा अड्किएको थियो । घाइतेमध्ये ३ जनाको अवस्था सामान्य छ । उनीहरुको आइसोलेसनमा उपचार भइरहेको प्रहरीले जनाएको छ ।

भारतबाट स्वदेश आएपछि स्थानीय तहले बनाएको क्वारेन्टाइनमा बसेका उनीहरुको स्वाब परीक्षण गर्दा सोमबार कोरोना पोजिटिभ देखिएको थियो ।

प्रकाशित : जेष्ठ २६, २०७७ २०:३३
प्रतिक्रिया
पठाउनुहोस्

जेठ ३२ गते बंगलादेशबाट २ सय ६५ जनालाई नेपाल ल्याइने

होम कार्की

काठमाडौँ — बंगलादेशबाट जेठ ३२ गते दुई सय ६५ जना नेपाली आउने टुंगो लागेको छ । पहिलो उडानमा नेपाल आउने यात्रुको नामवाली तय भएको छ । जसमा अधिकांस मेडिकल विद्यार्थी र नेपाली सेना रहेका छन् ।

ढाकास्थित नेपाली दूतावासका अनुसार पहिलो उडानको लागि छनोट गरिएको नेपालीलाई कोभिड-१९को स्वास्थ्य परीक्षण गर्न सूचना जारी भएको छ । ‘जेठ ३२ गते बंगलादेशबाट नेपाल एयरलाइन्सबाट नेपाली पठाउने निश्चित भएको हो,’ दूतावासका उपप्रमुख धनबहादुर ओलीले कान्तिपुरलाई भने ।

नेपाल आउनको लागि १९ हजार ९ सय ५८ रुपैयाँ तोकिएको छ । यात्रुले नेपालमै टिकट खरिद गर्नुपर्नेछ ।

बंगलादेशबाट नेपाल फिर्नको लागि ८६० जनाले आवेदन दिएका छन् । दूतावासले दोस्रो उडानको लागि पनि सूची बनाइसकेको छ ।

प्रकाशित : जेष्ठ २६, २०७७ २०:२९
पूरा पढ्नुहोस्
प्रतिक्रिया
पठाउनुहोस्
×