बाँकेबाट शुक्रबार १३ संक्रमित डिस्चार्ज
बाँके — बाँकेबाट शुक्रबार कोरोना जितेर १३ जना घर फर्किएका छन् । नरैनापुर गाउँपालिकाका १२ र खजुरास्थित क्यान्सर अस्पतालमा रहेका नेपालगन्जका एक व्यक्ति डिस्चार्ज भएका हुन् । नरैनापुरका १२ जना नेपालगन्जस्थित लायन्स डेन्टल अस्पतालमा थिए ।
पछिल्लो समय बाँकेमा कोरोना संक्रमित निको हुँदै घर फर्किने क्रम बढ्दो छ । जनस्वास्थ्यका फोकल पर्सन नरेश श्रेष्ठका अनुसार अहिलेसम्म ४२ जनाले कोरोना जितेर गएको बताए ।
जिल्लामा अहिलेसम्म २ सय ५५ जनामा कोरोना संक्रमण पुष्टि भएका छन् । एक जनाको मृत्यु भएको र ३ सय २८ जनाको नमुना जाँच्ने प्रक्रियामा रहेको श्रेष्ठले बताए ।
प्रतिक्रिया
