पौडी खेल्दा दुई बालक बेपत्ता
पाल्पा — रामपुर नगरपालिका–१० मलौटेस्थित कालीगण्डकी नदीमा आइतबार दुई बालक बेपत्ता भएका छन् । पौडी खेल्न गएका उनीहरू रामपुर–१० का १० वर्षीय सुनिल भट्टराई र समीर चापागाइँ रहेको वडाध्यक्ष लीलाबहादुर गाहाले बताए ।
हुँगी प्रहरीचौकीबाट गएका प्रहरी र स्थानीय बासिन्दाले नदी आसपासका क्षेत्रमा खोजी जारी राखेको छ । नदीमा पानीको सतह बढेकाले खोजी गर्न समस्या भएको प्रहरीले जनाएको छ ।
प्रतिक्रिया
