दाइको हत्या अभियोगमा पक्राउ
दाङ — दाइको हत्या गरी फरार भएको अभियोगमा राजपुर गाउँपालिका–१ रसरीखोलाका २४ वर्षीय जसराम कामीलाई मंगलबार प्रहरीले पक्राउ गरेको छ ।
घरायसी विवादमा चैत १९ गते आफ्नै सहोदर दाइ ३२ वर्षीय प्रेमबहादुर कामीलाई दाउराले हानेर घाइते बनाएको र उनको उपचारका क्रममा २० गते लमही अस्पतालमा मृत्यु भएको जिल्ला प्रहरी कार्यालय दाङले जनाएको छ ।
घटनापछि फरार रहेका जसरामलाई मंगलबार रसरी खोला छेउको खेतमा मसुरोको भुसमा लुकेको अवस्थामा पक्राउ गरिएको जिल्ला प्रहरी प्रवक्ता डीएसपी सुमित खड्काले बताए ।
प्रकाशित : चैत्र २५, २०७६ १४:२१प्रतिक्रिया