नेपालगन्ज बजार सुनसान

घोषणासँगै नेपालगन्ज बजार सुनसान भएको छ । मंगलबार बजारका सम्पूर्ण पसल, व्यवसाय बन्द भएसँगै सडकमा हिँड्ने पैदलयात्रु पनि निस्किएका छैनन् । सवारी साधन चलाउन पूर्ण रुपले निषेध गरिएको छ ।

मानिसहरु बेफिक्रि हिँडिरहेको पाएपछि प्रशासनले सोमबार १२ बजेदेखि जनता कर्फ्यूको घोषणा गरेको हो । प्रशासनले कडाइका साथ नियमको पालना गराउने बाँकेका प्रमुख जिल्ला अधिकारी कुमारबहादुर खड्काले बताए । ‘एक जनाको लापरबाहीका कारण परिवार, टोल, समाज र राष्ट्र नै जोखिममा पर्ने सम्भावना बढ्छ, उनले भने, ‘त्यसैले कोरोना विरुद्ध सेल्फ क्वारेन्टाइनमा बस्नुको विकल्प हामीसँग छैन ।’