नापी सर्वेक्षक खत्री ३५ हजार घूससहित पक्राउ
नेपालगन्ज — अख्तियार दुरुपयोग अनुसन्धान आयोगले नेपालगन्जबाट ३५ हजार रुपैयाँ घूस लिइरहेको अवस्थामा बुधबार नापी सर्वेक्षक यामबहादुर खत्रीलाई नियन्त्रणमा लिएको छ ।
आयोगको सम्पर्क कार्यालय नेपालगन्जको टोलीले सर्वेक्षक खत्रीसँगै रहेका लेखापढी ब्यवसायी प्रताप केसीलाई ३५ हजार रुपैयाँ घूससहित रंगेहात पक्राउ गरेको कार्यालय प्रमुख गणेश गैह्रेले जानकारी दिए ।
जग्गाको हालसाविक कायम गर्दिन्छु भन्दै सेवाग्राहीसँग घूस लिइरहेको अवस्थामा खत्रीलाई पक्राउ गरिएको गैह्रेले बताए । खत्रीले लेखापढी व्यवसायी केसीमार्फत सेवाग्राहीसँग घूस रकम बुझेको अख्तियारले जनाएको छ ।
प्रकाशित : माघ २२, २०७६ १८:१४प्रतिक्रिया
