वर्षाले रूरू महोत्सव प्रभावित : २० बढी पसलमा क्षति, खोलाको अस्थायी पुल बगायो - प्रदेश ५ - कान्तिपुर समाचार
कान्तिपुर वेबसाईट
AdvertisementAdvertisement

वर्षाले रूरू महोत्सव प्रभावित : २० बढी पसलमा क्षति, खोलाको अस्थायी पुल बगायो 

माधव अर्याल

पाल्पा — बिहीबारदेखि परेको वर्षाले पाल्पा, गुल्मी र स्याङ्जाको संगम रूरू क्षेत्रमा चलेको महोत्सव प्रभावित बनेको छ । वर्षासँगै रिडी खोला बढेपछि पाल्पा र गुल्मीतर्फ राखेको २० भन्दा बढी स्टलमा क्षति पुगेको छ ।

केही पसल राख्न नमिल्ने गरी नै बगाएको छ । रिडी खोलाले कतिपय स्टलका सामान पनि बगाएको छ । केही पसलको सामानसमेत रिडी खोलाले बगाएको तानसेन नगरपालिका–१४, अर्गलीका सञ्जय भट्टराईले बताए ।


सशस्त्र प्रहरी र नेपाल प्रहरी उद्दारमा खटिएको छ । स्टल राखेका व्यवसायी वर्षाका कारण लाखौं क्षति पुगेको गुनासो गरेका छन् । बिहीबार राति रिडीखोला एक्कासि ठूलो भएपछि मेलाको लागि बनाइएको ह्यृुम पाइपसहितको अस्थायी पुल पनि बगाएको छ ।



नौ दिने रूरू महोत्सव गुल्मीतर्फ चलेको छ । पाल्पातर्फ भने कम्तीमा तीन दिनसम्म मेला लाग्छ । १ सय ५० बढी स्टल रहेको अर्गलीका वडाध्यक्ष कमल रानाले बताए । स्टलवालाहरु वर्षाका कारण आफूहरुलाई ठूलो क्षति भएको गुनासो राखेका छन् ।


महोत्सव र मेलाका लागि कालीगण्डकी नदीमा बनाएको अस्थायी पुलको केही भाग बगाएपछि स्याङ्जातर्फ आवातजावत ठप्प भएको छ । कालीगण्डकी नदी बढ्ने क्रम जारी छ भने रिडी खोला पनि बढ्ने क्रम रोकिएको छैन ।

प्रकाशित : माघ ३, २०७६ १२:१३
प्रतिक्रिया
पठाउनुहोस्

आज रातिसम्मै पानी पर्ने 

कान्तिपुर संवाददाता

काठमाडौँ — बिहीबार रातिदेखि परेको पानी शुक्रबार दिनभर काठमाडौंलगायत मुलुकभर पनि पर्ने जल तथा मौसम विज्ञान विभागले जनाएको छ । विभागकी मौषमविद विभूति पोखरेलले पानी दिउँसो एकछिन रोकिए पनि पुनः पर्ने जानकारी दिइन ।

‘पानी दिउँसो एकछिन रोकिएपनि दिनभर र रातभर पर्ने देखिएको छ,’ पोखरेलले भनिन्, ‘भोली बदली भएपछि क्रमश मौषम सुधार हुँदै जाने देखिएको छ ।’

आज राति पनि देशका केही स्थानहरुमा हल्का बर्षा हुने तथा उच्च पहाडी तथा हिमाली भेगका केही स्थानहरुमा हल्का हिमपातको सम्भावना रहेको पोखरेलले बताइन ।

विभागले देशका अधिकांश स्थानहरुमा हल्का देखि मध्यम वर्षा हुनुका साथै उच्च पहाडी तथा हिमाली भेगमा हल्का देखि मध्यम हिमपात पर्ने जनाएको छ । मध्य र पश्चिमका उच्च पहाडी तथा हिमाली भेगका थोरै स्थानहरुमा भारी हिमपातको सम्भावना रहेको पोखरेलले बताइन ।

मुलुकभर पश्चिमी न्युन चापीय प्रणालीको प्रभाव रहेकाले नेपालको पश्चिमी, मध्य भू–भागमा र पुर्वी पहाडी भू–भागमा पूर्णतया बदली रहने र पानी पर्ने विभागले जनाएको छ ।

शनिबारपनि देशभर सामान्य बदली भई पहाडी भू–भागका थोरै स्थानहरुमा हल्का वर्षा हुने विभागले जनाएको छ ।
आइतबा दिउँसो अन्य स्थानमा बदली सफा रहने तथा पहाडी भू–भागमा आंशिक बदली भई थोरै स्थानमा हल्का बर्षा हुन सक्ने संभावना रहेको पोखरेलले बताइन ।

प्रकाशित : माघ ३, २०७६ १२:०२
पूरा पढ्नुहोस्
प्रतिक्रिया
पठाउनुहोस्
×