बसको ठक्करबाट तीर्थयात्रीको मृत्यु
प्यूठान — स्वर्गद्वारी मन्दिरमा दर्शन गर्न आएका एकजना भारतीय तीर्थयात्रीको बसको ठक्करबाट निधन भएको छ ।
शुक्रबार बिहान स्वर्गद्वारीबाट दाङ जाँदै गरेको ना. ३ ख. ५५५९ नम्बरको बसले स्वर्गद्वारी–२ कुइनेटामा ठक्कर दिँदा भारत युपी. जिल्ला सराबस्तीका २५ वर्षीय गुरुप्रसाद यादवको घटनास्थलमै मृत्यु भएको जिल्ला प्रहरी कार्यालय प्यूठानका प्रमुख डीएसपी नरेन्द्रकुमार कार्कीले जानकारी दिए ।
बसको ठक्करबाट भरत युपीकै २३ वर्षीय नथुराम यादव घाइते भएका छन् । बायाँ खुट्टा भाँचिएका यादवलाई उपचारका लागि दाङको घोराही लगिएको कार्कीले बताए ।गाडी र चालक अस्थायी प्रहरी पोष्ट स्वर्गद्वारी खालको नियन्त्रणमा रहेको कार्कीले बताए ।
प्रतिक्रिया
