कान्तिपुर वेबसाईट
AdvertisementAdvertisement

ट्रकले विद्यार्थीलाई ठक्कर दिएपछि कोहलपुर तनावग्रस्त [भिडियोसहित]

मधु शाही

बाँके — ट्रकले स्कुले बालिकालाई ठक्कर दिएपछि कोहलपुर तनावग्रस्त बनेको छ । कोहलपुरबाट नेपालगन्ज जाँदै गरेको ट्रकले आइतबार बिहान करिब १० बजे ठक्कर दिँदा विद्यार्थी सख्त घाइते भएका थिए । उनको अहिले उपचार भइरहेको छ ।

त्यसपछि आक्रोशित आफन्त, अन्य विद्यार्थी र स्थानीयवासीले ट्रकलाई घेरा हाली जलाइदिएका थिए । अहिले पनि झडप चलिरहेको छ । प्रदर्शनमा उत्रिएका केही विद्यार्थी पनि घाइते भएका छन् ।

प्रदर्शनकारीमाथि बल प्रयोग गर्न खोजेपछि झडप भएको हो । स्थिति नियन्त्रणमा लिन प्रहरीले हवाइ फायर र केही सेल अश्रुग्यास प्रहार गरेको छ ।

विद्यार्थीलाई ठक्कर दिने ट्रक चालकलाई प्रहरीले संरक्षण दिएको भन्दै आक्रोशित विद्यार्थी, स्थानीयले इलाका प्रहरी कार्यालयमा ढुंगामुढा गरेका छन् ।

भिडियो



प्रकाशित : मंसिर २२, २०७६ ११:५२
प्रतिक्रिया
पठाउनुहोस्

कापी

कथा
कान्तिपुर संवाददाता

एकादेशमा सुमन नाम गरेको एउटा बालक थियो  । उसको नेपाली विषयको कापी सकियो  ।

सुमनलाई बुबाले नयाँ नेपाली कापी किनिदिनुभयो । सुमनलाई नेपाली कापी फिटिक्कै मन परेन । उसले त्यो कापीमा केही नलेख्ने विचार गर्‍यो । एक दिन कोही नभएका बेला उसले नेपाली कापी च्यातिदियो । पछि विद्यालयमा नेपाली मिसले कापी माग्दा ऊ रुन थाल्यो । किन रोएको भनी मिसले सोध्नुभयो । उसले ‘मलाई नेपाली किताब मन पर्दैन त्यसैले च्यातेर फालिदिएँ’ भन्यो । मिसले सम्झाउनुभयो र घरमा पनि फोन गरिदिनुभयो । घर जानेबित्तिकै बुबाले ‘के भयो बाबु ?’ भनेर सोध्नुभयो । उसले बुबालाई पनि आफूले गरेका सबै कुरा भन्यो । बुबाले उसलाई सम्झाइबुझाइ गर्नुभयो । सुरुमा त उसले मुख बटार्दै थियो, पछि बुबाले राम्ररी सम्झाएकाले बुबासँग माफी माग्यो । अनि सुमनले ‘अबदेखि म कहिल्यै कुनै पनि किताब र कापी च्यात्दिनँ,’ भन्यो ।

- आरोग्य खनाल, कक्षा–१
नवोदय शिशु सदन, हेटौंडा–४ कमलडाँडा

प्रकाशित : मंसिर २२, २०७६ ११:५२
पूरा पढ्नुहोस्
प्रतिक्रिया
पठाउनुहोस्
×