हत्या आरोपमा २ जना पक्राउ

घनश्याम गौतम

(रुपन्देही) — गुल्मीको चन्द्रकोट गाउँपालिका–३ हर्राचौरमा भएको हत्याकाण्डमा संलग्न भएको आशंकामा प्रहरीले बुधबार राति कास्कीबाट २ जनालाई पक्राउ गरेको छ । प्रहरी स्रोतका अनुसार बागलुङको गल्कोट नगरपालिका–८ थालेपोखराका माधव सुनार र पूर्णबहादुर सुनार पक्राउ परेका हुन् । घटनामा संलग्न एक जना फरार छन् ।

हर्राचौरको चौराली पोखराको जंगलमा कात्तिक १६ गते दुई बालिकासहित एक महिलाको विभत्स तरिकाले हत्या गरेर फालेको अवस्थामा शव फेला परेको थियो । मृतक तीनै जनाको पहिचान खुलेको छैन ।

पक्राउ परेकाको प्रारम्भिक बयानमा उनीहरु कानेपोखरी गाउँपालिका–३ कानेपोखरी मोरङका रहेको जानकारी खुलेको छ । पक्राउ परेकालाई थप सोधपुछका लागि जिल्ला प्रहरी कार्यालय गुल्मीमा ल्याउँदै गरेको प्रहरीले जनाएको छ । जिल्ला प्रहरी कार्यालय गुल्मीका प्रहरी उपरीक्षक राजेन्द्रसिंह खड्काले पक्राउ परेका दुवै जनालाई गुल्मी ल्याएपछि थप विवरण पत्रकार सम्मेलनमार्फत सार्वजनिक गर्ने बताए ।

प्रकाशित : कार्तिक २८, २०७६ १२:२७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

जिपको ठक्करले मोटरसाइकल चालकको मृत्यु

रमेशकुमार पौडेल

चितवन — नारायणगढ-मुग्लिन सडकमा बुधबार राति साढे २ बजे जिपले ठक्कर दिँदा मोटरसाइकल चालकको ज्यान गएको छ ।चितवन जिल्ला प्रहरी कार्यालयबाट प्राप्त विवरणअनुसार इच्छाकामना गाउँपालिका–६ जलबिरेमा नारायणगढबाट मुग्लिनतर्फ जाँदै गरेको बा १० च ४४१३ नम्बरको जिप र मुग्लिनबाट आइरहेको बा ६६ प २९६५ नम्बरको मोटरसाइकल एकापसमा ठोक्किएका थिए ।

ठक्करका कारण मोटरसाइकल चालक भरतपुर महानगरपालिका–६ घर भएका ३० वर्षका रोशन सापकोटा गम्भीर घाइते भएका थिए । उनलाई उपचारका लागि भरतपुरमा रहेको पुरानो मेडिकल कलेजको शिक्षण अस्पतालमा भर्ना गरिएका थिए ।

चितवन जिल्ला प्रहरी कार्यालयका प्रवक्ता प्रहरी नायब उपरीक्षक डिएसपी एकनारायण कोइरालाका अनुसार उपचारको क्रममा अघि बिहान साव ३ बजे सापकोटाको निधन भएको हो ।




प्रकाशित : कार्तिक २८, २०७६ ११:५१
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
×