गैंडाको आक्रमणमा ३ घाइते

कमल पन्थी

(बर्दिया) — सामूदायिक वनबाट निस्केको गैंडाले शनिवार बिहानआक्रमण गर्दा ३ जना घाइते भएका छन् । उनीहरुमध्ये २ जनाको अवस्था जटिल भएपछि उपचारका लागि बाँके कोहलपुरस्थित शिक्षण अस्पतालमा लगिएको छ । 

जिल्लाको बारबर्दियास्थित कुसुम्बाघाटमा नवनिर्मित झोलुङे पुल हेर्न गएकाहरुलाई रानीपुरको जंगलबाट निस्केको गैंडाले आक्रमण गरेको थियो । आक्रमणबाट बारबर्दिया नपा-४ का ३९ वर्षीय रामप्रसाद थारु, सोही नपा-५ का ६५ वर्षीय जंगली थारु र १० वर्षीया शिखा थारु घाइते भएको स्थानीय फुलपाति थारुले बताए ।प्रहरी उपरीक्षक राजेशनाथ बास्तोलाले जंगली र शिखाको अवस्था जटिल रहेको बताए ।

प्रकाशित : भाद्र १४, २०७६ १२:५०
प्रतिक्रिया
पठाउनुहोस्

पेड्रो ‘गोल्डेन लायन’

कान्तिपुर संवाददाता

स्पेनी निर्देशक पेड्रो अल्माडेभोरलाई यस वर्ष भेनिस फिल्म फेस्टिभलले आफ्नो सर्वोच्च अवार्ड ‘गोल्डन लायन’ प्रदान गरेको छ  । बिहीबारबाट इटलीको भेनिस सहरमा सुरु भएको फेस्टिभलले पेड्रोलाई लाइफ टाइम एचिभमेन्ट अवार्डका रूपमा गोल्डन लायन प्रदान गरेको हो  ।

१७ वर्षको उमेरमा फिल्म बनाउन भनी घर छोडेर पेड्रो राजधानी म्याड्रिड भागेका थिए । उनीसँग न पैसा थियो न कुनै जागिर ।

त्यसबेला स्पनेमा जनरल फ्रयान्कोको शासन थियो । स्पेनमा भएका फिल्म स्कुलहरू फ्र्यांकोले बन्द गरिदिएका थिए । उनले सुपर ८ एमएम क्यामेरा किन्नका लागि म्याड्रिडमा विभिन्न किसिमका काम गरे । तर, सफल भएनन् । १९७१ मा नेसनल टेलिफोन कम्पनीमा प्रशासन सहायकको जागिर पाएपछि बल्ल उनले यो क्यामेरा किन्न सकेका थिए । १२ वर्ष गरेको यही जागिरको समयमा नै आफूले स्पेनी मध्यमवर्गको नाडी छाप्न पाएको र आफ्ना फिल्मका कथाहरू पाएको उनले बताएका छन् ।

पेड्रोले निर्देशन गरेको फिल्म ‘अल अवाउट माई मदर’ ले १९९९ मा उत्कृष्ट विदेशी भाषाको ओस्कर पाएको थियो । यही फिल्मका लागि उनी क्यान्समा उत्कृष्ट निर्देशक चुनिएका थिए । यसको चार वर्षपछि आएको ‘टक टु हर’ ले उनलाई पटकथामा ओस्कर दिलाएको थियो ।

प्रकाशित : भाद्र १४, २०७६ १२:१४
पूरा पढ्नुहोस्
प्रतिक्रिया
पठाउनुहोस्