चट्याङले आगलागी हुँदा ३८ फुसका घर जले

मधु शाही

(बाँके) — डुडुवा गाउँपालिका-१ वडामा चट्याङबाट आगलागी हुँदा ३८ वटा फुसका घर जलेका छन् । छोटीचौफेरि भन्ने गाउँमा भएको आगलागीमा एक जना १६ वर्षीया बालिका जलेर घाइते भएकी छन् । उनको उपचारका लागि भारत पढाइएको छ ।

अस्थायी टहरबा बनाउँदै खेती गर्न बसेका किसानको फुसको घर जलेको जिल्ला प्रहरी बाँकेका एसपी अरुणकुमार पौडेलले बताए । उनका अनुसार अधिकांशका अस्थायी घर अन्यत्र भएको र त्यहाँ खेती गर्न बसेको सुनाए ।
करिब ३२ लाख बराबरको अन्नबाली सबै जलेर नष्ट भएको छ । दमकल पुग्न नसकेपछि स्थानीय र प्रहरीले आगो नियन्त्रणमा लिएको थियो । गाउँपालिकाले तत्कालप्रति परिवार दुई हजार रुपैयाँ र जिल्ला प्रशासन कार्यालय बाँकेले ३ हजार गरी पाँच हजार रुपैयाँ तत्काल राहत दिने निर्णय गरेको छ । एपी अरुणले अधिकांश पीडित आफ्नै स्थायी घरमा फर्किएको बताएका छन् ।

प्रकाशित : जेष्ठ २९, २०७६ २०:४७
प्रतिक्रिया
पठाउनुहोस्
ADVERTISEMENT

क्यानडाली बाल यौन दुराचारी दोषी ठहर

कान्तिपुर संवाददाता

काठमाडौँ — बाल यौन दुराचार आरोपमा २०७४ चैत २४ मा काभ्रेको मण्डन देउपुर–६ बाट पक्राउ परेका क्यानडाली नागरिक पिटर डग्लसलाई जिल्ला अदालतले दोषी ठहर गरेको छ । केन्द्रीय अनुसन्धान ब्युरोको टोलीले झन्डै १५ दिन लामो निगरानीपछि डग्लसको घरमा छापा मारेर १२ र १४ वर्षका बालकको उद्धार गरेको छ । 

स्ट्रिट किड्स इन्टरनेसनल नामक अन्तर्राष्ट्रिय गैरसरकारी संस्था स्थापना गरेर विश्वव्यापी रूपमा काम गरिरहेका पिटर सन् २००२ मा संयुक्त राष्ट्रसंघको चाइल्ड लेबर कार्यक्रमअन्तर्गत नेपालमा चिफ टेक्निकल एडभाइजरका रूपमा खटिएका थिए । त्यसयता डग्लसका निम्ति नेपाल नियमित गन्तव्य बनेको थियो । अनुसन्धानमा संलग्न ब्युरोका एक अधिकारीका अनुसार उनी बाल यौन दुराचारकै निम्ति बारम्बार नेपाल आउने गरेको देखिन्छ । पिटरले मण्डन देउपुरमा आफ्नै लगानीमा घरसमेत बनाएका थिए । उनले नेपालका विभिन्न बालबालिकासम्बन्धी काम गर्ने संस्थासँग औपचारिक–अनौपचारिक सम्बन्धसमेत बनाएका थिए ।

यूएन ह्याबिट्याटका निम्ति अफगानिस्तान प्रतिनिधिका रूपमा समेत काम गरेका पिटरले आफ्नै घरमा काम गर्न बस्नेका छोरा र उनका आफन्तका छोरामाथि यौन शोषण गरेको आरोपमा ब्युरोले मुद्दा अगाडि बढाएको थियो । काभ्रे जिल्ला अदालतका स्रेस्तेदार ठाकुर त्रितालका अनुसार न्यायाधीश अर्जुन अधिकारीको एकल इजलासले पिटरलाई दोषी ठहर गरेको हो । उनका अनुसार अदालतले असार २३ गते सजाय सुनाउनेछ ।

प्रकाशित : जेष्ठ २९, २०७६ २०:३३
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×