पहिरोमा परी लमजुङको दोर्दीमा एक किशोरको मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
लमजुङ — लमजुङको दोर्दी गाउँपालिका-९ धैरेनी सुनारगाउँमा पहिरोले घर पुरिँदा एकजना किशोरको मृत्यु भएको छ । अविरल वर्षासँगै मंगलबार राति पहिरो जाँदा घरमा सुतिरहेका १६ वर्षीय विकल सुनारको मृत्यु भएको प्रहरीले जनाएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![पहिरोमा परी लमजुङको दोर्दीमा एक किशोरको मृत्यु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/dordi-9-pahiro-1-2662024062440-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
उनका दाई १८ वर्षीय मिलन सुनारसहित २ दाजुभाइ सुतिरहेको अवस्थामा माथिबाट पहिरो घरमा खसेपछि दुवैजना घाइते भएका थिए । घाइते दुवैजनालाई उपचारका लागि बेंसीसहरस्थित लमजुङ अस्पताल ल्याइकोमा अस्पताल ल्याउनेबित्तिकै विकललाई बुधबार बिहान चिकित्सकले मृत घोषणा गरेका जिल्ला प्रहरी कार्यालयका प्रहरी निरीक्षक मेघनाथ चापागाईंले जानकारी दिए ।
उनका अनुसार घाइते मिलनको लमजुङ अस्पतालमा उपचार भइरहेको छ । घटनाको विस्तृत विवरण आउन बाँकी रहेको प्रहरीले जनाएको छ ।
प्रकाशित : असार १२, २०८१ १०:१०प्रतिक्रिया