१४ वर्षीया किशोरीलाई जबरजस्ती करणी गरेको आरोपमा एक जना पक्राउ

सामान्य सुस्त मनस्थितिकी ती बालिकालाई घिमिरेले बिहीबार दिउँसो साढे ३ बजेतिरको समयमा जंगलमा एक्लै हिँडिरहेको बेला पछ्याएको र जबरजस्ती करणी गरेको आरोप छ । प्रहरीले घिमिरेलाई पक्राउ गरी शुक्रबार जिल्ला अदालतबाट ७ दिनको म्याद थप गरी थप अनुसन्धान थालेको जनाएको छ ।

घटनाबारे स्थानीयले थाहा पाएपछि उनी भागेको र राति ८ बजेतिर लुकिछिपी हिँडिरहेको अवस्थामा पक्राउ गरिएको प्रहरीले जनाएको छ । ती बालिकाको स्वास्थ्य परीक्षण गरिसकिएको प्रहरीले जनाएको छ ।

जिल्ला प्रहरी कार्यालयका सूचना अधिकारी प्रहरी निरीक्षक थानेश्वर चपाईंले घिमिरेविरुद्ध जबरजस्ती करणी मुद्दामा कारबाही प्रक्रिया अघि बढाएको बताए । उनले घटनाबारे अनुसन्धान भइरहेको समेत बताए ।