क्व्होलासोथारका जनप्रतिनिधिले भूकम्पपीडितलाई सहयोग पठाए

प्रमुख प्रशासकीय अधिकृत माधवप्रसाद वाग्लेका अनुसार क्व्होलासोथार गाउँपालिका गाउँकार्यपालिकाको बैठकको निर्णयबमोजिम सम्पूर्ण जनप्रतिनिधिको कात्तिक महिनाको सेवा सुविधाबाट एक तिहाई रकम २ लाख ५८ हजार ८ सय ३३ रुपैयाँ प्रधानमन्त्री दैवी प्रकोप सहायता कोषमा दाखिला गरिएको हो ।

२०८० कात्तिक १७ गते राति जाजरकोट रामीडाँडा केन्द्रविन्दु भई गएको भूकम्पबाट ठूलो जनधनको क्षति भएको र विपद्को दुःखद् घडीमा राहत तथा क्षतिग्रस्त क्षेत्रको पुनर्निर्माणका लागि कार्यपालिकाले निर्णय गरेर सेवा सुविधाबापत पाउने १० दिन बराबरको रकमपीडितलाई पठाएको गाउँपालिका अध्यक्ष सूर्यप्रसाद गुरुङले बताए ।

भूकम्पपीडितको आवास पुनःनिर्माणका लागि क्व्होलासोथार गाउँपालिकाको कार्यपालिका बैठकले गत कात्तिक २४ गते जनप्रतिनिधिले पाउने कात्तिक महिनाको सेवा सुविधाबाट १० दिनको रकम भूकम्पपीडितलाई पठाउने निर्णय गरेको थियो ।