काभ्रेको बेथानचोकमा एक घर जल्यो

वैशाख २३, २०८१ज्योती श्रेष्ठ

काठमाडौँ — काभ्रेको बेथानचोक गाउँपालिका वडा नम्बर–६ स्थित भुग्देउमा विद्युत् सर्ट आगजनी हुँदा एक घर जलेर नष्ट भएको छ । शनिबार राति १०:४५ बजे स्थानीय सुदीप ओझाको घरमा विद्युत् सर्ट भई आगजनी हुँदा पूर्ण रूपमा क्षति भएको बेथानचोक गाउँपालिकाका अध्यक्ष भगवान अधिकारीले जानकारी दिए ।

उनका अनुसार शनिबार रातिदेखि लागेको आगो आइतबार बिहान २:३० बजे स्थानीय, जनप्रतिनिधिको प्रयासमा निभाइएको छ । आगलागीबाट कुनै मानवीय क्षति भएको छैन । आगलागीबाट पीडित परिवारको २० लाख बराबारको क्षति भएको अनुमान गरिएको छ ।