बनेपा पार्टी कार्यालयमा ओली समूहले लगायो ताला
काभ्रे — प्रधानमन्त्री समेत रहेका नेकपा अध्यक्ष केपी शर्मा ओली पक्षका नेता तथा कार्यकर्ताले बनेपास्थित नेकपा पार्टी कार्यालयमा छुट्टै ताला लगाएका छन् ।
![](https://assets-cdn.ekantipur.com/uploads/source/ads/comp-900x100-1672024010950.gif)
तत्कालीन एमालेले निर्माण गरेको कार्यालयमा लगाइएको पुरानो ताला हटाएर ओली समूहले अर्को ताला लगाएको हो । नेकपा जिल्ला कमिटी सदस्य कञ्चन अधिकारी, युवा संघ काभ्रेका अध्यक्ष विक्रम चौलागाईं लगायत ओली पक्षका नेता कार्यकर्ताले ताला लगाउँदै कार्यालय नछाड्ने बताए ।
तत्कालीन माओवादी केन्द्रको तर्फबाट जिल्ला अध्यक्ष रुकु चौलागाईं र तत्कालीन एमालेका तर्फबाट जिल्ला सचिव रहेका टोकबहादुर वाइवा नेकपाका अध्यक्ष पुष्पकमल दाहाल र माधवकुमार नेपाल समूहमा छन् ।
प्रधानमन्त्री समेत रहेका पार्टी अध्यक्ष केपी शर्मा ओलीले प्रतिनिधिसभा विघटन गरेको विरोधमा अध्यक्ष र सचिवले सोमबार विज्ञप्ति निकाल्दै पार्टी निर्णयको पक्षमा उभिन अपिल गरेका थिए । आइतबार नेकपाका जनवर्गीय संगठन मोर्चाको नाममा दाहाल–नेपाल समूहका नेता कार्यकर्ताले बनेपामा विरोध र्याली निकालेका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)