मकवानपुरमा जीप दुर्घटना हुँदा २ जनाको मृत्यु
हेटौंडा — मकवानपुरको पश्चिमी क्षेत्रका पर्ने राक्सिराङ गाउँपालिका–३ सरिखेतस्थित नजिक झिल्किनीमा जीप दुर्घटनामा दुई जनाको मृत्यु भएको छ । एक जना गम्भीर घाइते भएका छन् ।
मनहरी बजारबाट पसलको सामानका साथै यात्रु बोकेर सरिखेत जाँदै गरेको ग १ ज ७१७५ नम्बरको जीप सडकबाट करिब ४० फिट तल खस्दा स्थानीय १४ वर्षीय अनुप बाइवा र १३ वर्षीय रिजन तितुङको घटनास्थलमै मृत्यु भएको जिल्ला प्रहरी कार्यालय कार्यालय हेटाैंडाका प्रवक्ता एवं प्रहरी नायब उपरीक्षक इन्द्रबहादुर रानाले बताए ।
दुर्घटनामा २७ वर्षीय सुरज शाही गम्भीर घाइते भएका छन् । उपचारको लागि उनलाई भरतपुर लगिएको छ । जीपमा चालकसहित ७ जना सवार रहेका थिए । अन्यको अवस्था भने सामान्य रहेको छ ।
प्रकाशित : आश्विन ५, २०७७ १६:४३प्रतिक्रिया
