जबरजस्ती करणी गरेको आरोपमा दाजुभाइ पक्राउ
सिन्धुली — सिन्धुलीको दुधौली नगरपालिकामा १३ वर्षीया बालिकालाई जबरजस्ती करणी गरेको आरोपमा दुई जनालाई मंगलबार प्रहरीले पक्राउ गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![जबरजस्ती करणी गरेको आरोपमा दाजुभाइ पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2020/third-party/arrest-15102019061831-1000x0-0212020035153-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बालिकालाई जबरजस्ती करणी गरेको आरोपमा प्रहरीले १६ र १४ वर्षीय युवाहरुलाई पक्राउ गरेका हो । उनीहरु दाजुभाइ हुन् ।
इलाका प्रहरी कार्यालय डकाहाका प्रहरी निरीक्षक सुगन्ध श्रेष्ठका अनुसार पीडित पक्षले उजुरी गरेपछि उनीहरुलाई पक्राउ गरिएको हो ।
ती दुई दाजुभाइले भदौ ७ गते दिउँसो १ बजेतिर आफ्नै गोठमा बालिकालाई बोलाएर चकलेट दिइ जबर्जस्ती करणी गरेको पीडित पक्षद्वारा उजुरीमा उल्लेख छ ।
‘पीडित बालिका र अभियुक्त दुवैलाई मंगलबार जिल्ला प्रहरी कार्यालयमा बुझाएका छौं,’ उनले भने, ‘अब जिल्लाले नै घट्नाको थप अनुसन्धान गरी कारबाही प्रकृया अघि बढाउँछ ।’
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया