कान्तिपुर वेबसाईट
AdvertisementAdvertisement

लार्चा खोलाले बगाएका दुई जनाको शव फेला

अनिश तिवारी

सिन्धुपाल्चोक — भोटेकोसी गाउँपालिका–३ स्थित लार्चामा माथिबाट आइरहेको ठाडो खोलाले बेपत्ता भएका लार्चाका स्थानीय नाम्टे मगरसहित लार्चा पुलछेउमा एउटा पहिचान नखुलेको शव फेला परेको छ । अविरल वर्षाले मजदुर मगरसहित दुई जनालाई लार्चा ठाडो खोलाले शुक्रबार बिहान ८ बजेतिर बगाएर बेपत्ता बनाएको थियो । स्थानीयका अनुसार लार्चा क्षेत्रका अझै एक जना बेपत्ता छन् । प्रहरीले स्थानीयसँग र जनप्रतिनिधिसँग सोधपुछ गर्दै खोजी कार्य जारी राखेको छ ।

वर्षैपिच्छै विपत्ति खेपिरहेको सीमावर्ती तातोपानी क्षेत्रको लार्चादेखि लिपिङ, हिन्दी तटिय क्षेत्रका चार घर बगाएसँगै दुई दर्जन घर जोखिममा परेका छन् । भोटेकोसी गाउँपालिका हिन्दी बजारका ध्रुव थापाका अनुसार वर्षात नरोकिएकाले भोटेकोसीको लार्चा, कोदारी, तातोपानी, बोलेपा, गोमाचे, पाङ्सेर्पु, खकुण्डोलदेखि दुगुनामा बज्र इको रिर्सोट छेउको बस्ती माथि पहिरो झर्न थालेपछि स्थानीय सुरक्षित ठाउँ खोज्दै माथिल्लो गाउँ सरेका थालेका छन् । ‘भोटेकोसी उर्लिएपछि स्थानीयमा भागाभाग मच्चिएको छ, सबैलाई सुरक्षित स्थानमा स्थानन्तरण गर्दैछौं ।,’उनले भने ।

कोदारी राजमार्गको स्थानपिच्छे सडक भासिएपछि बाह्रबिसे र भोटेकोसीमा सम्पर्क टुटेको छ । बाह्रबिसेबाट २६ किलोमिटरको दूरीमा रहेको लिपिङ पुग्ने कोदारी राजमार्ग बन्द भएको छ । खाग्दल, जम्बु, डाक्लाङ, दशकिलो सडक पूरै क्षतविक्षत भएकाले एक बजार र गाउँबाट अर्कोमा आउजाउ बन्द भएको छ ।

भोटेकोसी–३ स्थित तातोपानी सुख्खा बन्दरगाह भन्सार कार्यालयमा लेदो पसेको छ भने मध्य भोटेकोसी जलविद्युत आयोजनाको हेर्डवक्सस्थल, टनेलदेखि विभिन्न संरचनामा करोडौंको क्षति पुगेको छ ।

प्रकाशित : असार २६, २०७७ १५:३९
प्रतिक्रिया
पठाउनुहोस्

भाउजु हत्याको आरोपमा नन्द पक्राउ

कान्तिपुर संवाददाता

संखुवासभा — संखुवासभाको धर्मदेवी नगरपालिका–९ मुलगाउँमा मृत भेटिएकी ५० वर्षीया मनमाया जिमीको हत्याको आरोपमा कुमारी जिमी पक्राउ परेकी छिन् । प्रहरीले उनलाई शुक्रबार मनमायाको हत्याको आरोपमा पक्राउ गरेको डीएसपी नवराज मल्लले बताए । मृतक मनमाया र पक्राउ परेकी कुमारी नन्द–भाउजु हुन् ।

बुधबार साँझ घाँस काट्न गएकी मनमाया बिहीबार मृत अवस्थामा जंगलमा भेटिएकी थिइन् । उनको हत्या विभत्स र क्रुर तरिकाले भएको प्रहरीले जनाएको छ । मृतक जिमीलाई पटकपटक धारिलो हतियार प्रहार भएको प्रारम्भीक अनुसन्धानमा देखिएको प्रहरीले जनाएको छ ।

कुमारी जिमीसँगै प्रहरीले घटनामा संलग्न भएको आशंकामा अन्य केही व्यक्तिलाई पनि पक्राउ गरेर अनुसन्धान गरिरहेको डीएसपी मल्लले बताए ।

प्रकाशित : असार २६, २०७७ १५:१५
पूरा पढ्नुहोस्
प्रतिक्रिया
पठाउनुहोस्
×