घरमा सुतिरहेकी युवतीलाई हतियार प्रहार गरी फरार 

टीकाप्रसाद भट्ट

रामेछाप — रामेछापको सुनापति गाउँपालिका–५ खनियापानीकी १६ बर्षिया किशोरीलाई राति सुतिरहेको अवस्थामा धारिलो हतियार प्रहार गरी एक युवक फरार भएका छन् । 

शनिबार राति आफ्नै घरमा सुतिरहेको अवस्थामा १६ बर्षिया किशोरी रजिता खड्कामाथि धारिलो हतियारपश्चात स्थानीय कृष्ण कोइराला फरार भएको प्रहरीले बताएको छ । गम्भीर घाइते किशोरीलाई उपचारका लागि काठमाडौं लगिएको छ । कक्षा ९ मा अध्ययरत छात्रा खड्काको घाँटीमा गहिरो चोट छ । फरारको खोजी भइरहेको प्रहरीले बताएको छ ।

प्रकाशित : जेष्ठ १८, २०७७ १७:४६
प्रतिक्रिया
पठाउनुहोस्

गर्भवतीको हेलिकप्टरबाट उद्धार

कान्तिपुर संवाददाता

काठमाडौँ — अन्नपूर्ण गाउँपालिका-५ शिखकी एक गर्भवतीको आइतबार हेलिकप्टरबाट उद्धार गरिएको छ । गर्भमा जुम्ल्याहा बच्चा रहेको र निरन्तर रक्तश्राव भएपछि उच्च जोखिममा रहेकी गर्भवती नर्दिता गर्बुजालाई गण्डकी प्रदेश सामाजिक विकासमन्त्री नरदेवी पुनको अगुवाईमा हेलिकप्टरबाट उद्धार गरी पोखरा स्वास्थ्य विज्ञान प्रतिष्ठान (साविक गण्डकी अस्पताल) पुर्‍याइएको हो । 

पुनको सचिवालय सदस्य प्रकाश पौडेलका अनुसार अधिक रक्तश्रावबाट सिकिस्त गुर्बुजाको उद्धारमा केही ढिलाई भएको भए गर्भवती र गर्भमा शिशुको नै ज्यान जोखिममा थियो । स्थानीय शिख स्वास्थ्यचौकीमा सुत्केरी गराउन असम्भव भएपछि स्वास्थ्यकर्मीले तुरुन्त बेनी वा पोखरा पुर्‍याउन सुझाएका थिए ।

प्रकाशित : जेष्ठ १८, २०७७ १७:४२
पूरा पढ्नुहोस्
प्रतिक्रिया
पठाउनुहोस्
×