हेटौंडामा गर्भवतीमा कोरोना संक्रमण देखियो
हेटौंडा — वाग्मती प्रदेशको राजधानी हेटौंडामा एक गर्भवती महिलामा कोरोना संक्रमण देखिएको छ । मंगलबार हेटौंडा–१० स्थित कीटजन्य रोग तथा अनुसन्धान केन्द्र हेटौंडामा गरिएको स्वाब परीक्षणमा गर्भवतीमा कोरोना संक्रमण पुष्टि भएको हेटौंडा उपमहानगरपालिकाका स्वास्थ्य अधिकृत तथा आइसोलेसन वार्डका इन्चार्ज भोला चौलागाईंले जानकारी दिए ।
हेटौंडा–१, स्थित चौकीटोलकी २५ वर्षीया महिलामा कोरोना संक्रमण देखिएको हो । उनी जेठ ९ गते चितवनबाट हेटौंडा आएकी थिइन् । उनी ५ महिनाको गर्भवती रहेकी छिन् ।
महिलाको घर भएको क्षेत्रलाई सिल गर्ने र महिलालाई आइसोलेसन वार्डमा पठाइएको हेटौंडा–१ का वडाअध्यक्ष सविन न्यौपानेले जानकारी दिए ।
प्रकाशित : जेष्ठ १४, २०७७ १०:५८प्रतिक्रिया
