सुनकोसीमा पौडी खेल्नेक्रममा दुई बेपत्ता
सिन्धुली — सुनकोसी नदीमा पौडी खेल्नेक्रममा बगाउँदा आइतबार दुईजना बेपत्ता भएका छन् । सिन्धुलीको फिक्कल गाउँपालिका ४ कुइभिर नजिक सुनकोसीमा पौडी खेल्दा बगाएर सुर्खेत पञ्चकोटी नगरपालिका ७ का २० वर्षीय विश्वजनक बुढाक्षेत्री र १९ वर्षीय दिनेश बुढाक्षेत्री बेपत्ता भएका प्रहरी नायव उपरीक्षक श्यामबहादुर केसीले जानकारी दिए ।
बेपत्ता दुवै जना गाउँपालिका सदरमुकाम खाङसाङमा फर्निचरसम्बन्धी काम गर्थे । उनीहरुको खोजबिन भइरहेको प्रनाउ केसीले बताए ।
प्रकाशित : जेष्ठ ४, २०७७ १६:१९प्रतिक्रिया
