राष्ट्रिय गौरवको आयोजना सुनकोसी–मरिण डाइभर्सनमा १ वर्षभन्दा छोटो अवधिमा ९ किलोमिटर सुरुङको काम सकिएको छ । कमलामाई नगरपालिका–२ को कुसुमटारदेखि सुनकोसी गाउँपालिका ७ को कानढुंग्रीसम्म १३ दशमलव ३ किलोमिटरमध्ये आइतबारसम्ममा ९ किलोमिटर सुरुङ खन्ने काम सकिएको आयोजनाले जनाएको छ । यो झण्डै ६८ प्रतिशत हुन आउँछ ।
सुनकोशी नदीको बहावलाई आधा फर्काएर खोजबिन गर्दा समेत बेपत्ता जिप तथा सीटीईभीटीका तीन जना अधिकारीहरु फेला परेका छैनन् । सशस्त्र प्रहरी, सेनाको गोताखोर र जनपथ प्रहरीको विपद् व्यवस्थान समेत चार वटा टोलीले सुनकोशी नदीमा चार दिनअघि जिप खस्दा बेपत्ता भएका प्राविधिक शिक्षा तथा व्यावसायिक तालिम परिषद् (सीटीईभीटी) का दुई निर्देशक र एक अधिकृतलाई फेला पार्न सकेका छैनन् ।
कमलामाई नगरपालिका–३ भोटेछापका किसान जुद्धबहादुर राईको जुनार बगैंचा यतिखेर पहेंलपुर छ । जुनार पाकेर टिप्ने बेलामा बगैंचा पहेंलपुर भएर सुनजस्तै टल्कन्छ । मंसिरको दोस्रो साताबाट माघ महिनासम्म जुनार पाक्ने सिजन हो । किसान राईको १६ रोपनीमा ५ सय बोट जुनार बगैंचा छ ।
मजदुरहरुको पारिश्रमिक वृद्धिपछि सुनकोसी–मरिण डाइभर्सनको काम अघि बढेको छ । सरकारी जिल्ला दररेट अनुसारको न्यूनतम पारिश्रमिक पाउनुपर्ने लगायतका माग राख्दै एक सातादेखि सुनकोसी मरिण डाइभर्सन बहुउद्देश्यीय आयोजनामा काार्यरत मजदुर आन्दोलित थिए । ठेकेदार कम्पनीले मजदुरको न्यूनतम पारिश्रमिक दैनिक ३० रुपैयाँ बढाएपछि आन्दोलन स्थगित भएर आइतबारबाट काम सुरु भएको हो ।