संक्रमितको माइतीका १० जनाकै रिपोर्ट नेगेटिभ

सिन्धुली अस्पताल विकास समितिका अध्यक्ष प्रह्लाद पोखरेलका अनुसार प्रादेशिक अस्पताल हेटौंडामा पीसीआर विधिबाट गरिएको परीक्षणमा ती सबैको रिपोर्ट नेगेटिभ आएको छ । संक्रमणको खतरा रहेको भन्दै माइतीका पाँच घर सिल गरी उनीहरूको सम्पर्कमा आएका अन्य १७ घरकालाई बाहिर निस्कन बन्देज लगाइएको छ । संक्रमितको सम्पर्कमा रहेकाहरूलाई १४ दिन क्वारेन्टाइनमै राखिनेछ ।

संक्रमित महिलासँग प्रत्यक्ष सम्पर्कमा रहेका माइतीघरका ८ र धनुषामा उनीसँग भेटेका भिमानकै २ गरी बिहीबार १० जनाको स्वाब संकलन गरिएको थियो ।