ट्रकको ठक्करले मृत्यु
चितवन — पूर्व–पश्चिम राजमार्गअन्तर्गत चितवनकाे खैरहनीमा आइतबार साँझ ट्रकले ठक्कर दिँदा मोटरसाइकल चालकको ज्यान गएको छ । जिल्ला प्रहरी कार्यालयका अनुसार मृत्यु हुनेमा खैरहनी नगरपालिका–८ का ६३ वर्षीय कुलानन्द भण्डारी छन् ।
उनको उपचार क्रममा भरतपुरको पुरानो मेडिकल कलेजको शिक्षण अस्पतालमा मृत्यु भएको हो । प्रहरी नायब उपरीक्षक एकनारायण कोइरालाका अनुसार आइतबार साँझ साढे ७ बजे चैनपुर चोकमा भण्डाराबाट टाँडी आइरहेको ग१ख २११६ नम्बरको ट्रकले ना२७प ५८१८ नम्बरको मोटरसाइकललाई ठक्कर दिएको थियाे ।
लकडाउनपछि रोकिएको सवारी दुर्घटना लकडाउन उल्लंघनसँगै फेरि बढ्न थालेको छ ।
प्रकाशित : वैशाख २२, २०७७ ०७:१५प्रतिक्रिया