युवाहरूबीचको झगडा छुट्याउन प्रहरीद्वारा हवाई फायर

‘दुई टोलका युवाहरूको विवादले उग्ररुप लिएपछि प्रहरीले गोली चलाउन बाध्य भएको हो । युवाहरू मदिरा सेवन गरेर पान पसलमा झगडा गरेपछि छुट्याउन त्यहाँ पुगेको प्रहरीमाथि ढुंगा प्रहार र हातपात भएपछि बाध्य भएर हवाई फायर गरिएको हो’, प्रहरी उपरीक्षक सुशीलसिंह राठौरले भने ।

करिब ४० जनाको संख्यामा रहेका युवाबीच झगडा भहेको प्रहरीको अनुमान छ । ‘करिब ४० जना झगडा भएको स्थानमा दुई जना मात्र प्रहरीको उपस्थिति रहेको थियो । जसको कारण जँड्याहाहरूले प्रहरीलाई आक्रमण गरे,' राठौरले भने । आक्रमणबाट प्रहरीको भ्यानमा क्षति पुगेको उनले जानकारी दिए ।

उनका अनुसार घटनापछि चारजना युवालाई प्रहरीले नियन्त्रणमा लिएको छ । राति नै उक्त स्थानमा ठूलो संख्यामा प्रहरी परिचालन गरिएको र झगडामा संलग्नहरूको खोजी भइरहेको प्रहरीले जनाएको छ ।