सिन्धुलीमा लकडाउन : दुई दर्जन सवारीसाधन नियन्त्रणमा
सिन्धुली — सिन्धुलीमा लकडाउनको अवज्ञा गर्दै राजमार्ग तथा सदरमुकाम आसपासका क्षेत्रमा चलाउने करिब दुई दर्जन सवारी साधन प्रहरीले नियन्त्रणमा लिएको छ । नियन्त्रणमा लिएकामा मोटरसाइकल, अटो टेम्पो, ट्रयाक्टरसहित २१ वटा रहेको प्रहरीले जनाएको छ ।
प्रहरी उपरीक्षक रन्जु सिग्देलका अनुसार कोरोना त्रास बुझ्न भनेर हेपेर निस्किएका लोकल सवारी साधनलाई नियन्त्रणमा लिइएको हो । ती सवारी साधन अब लकडाउन सकिएपछि मात्रै छाडिने उनले बताइन् ।
काठमाडौं र पूर्वबाट आइ सिन्धुलीमा अलपत्र परेका सवारी साधनलाई भने नाका कटाउने काम भएको जिल्ला प्रहरी कार्यालयले जनाएको छ । लामो दूरीका सवारी साधनका चालकलाई क्वारेन्टाइन राख्ने र खुवाउने समस्याले गर्दा छाड्ने गरेको एसपी सिग्देलले जनाइन् ।
प्रतिक्रिया
