हीरा लुट्ने ३ प्रहरी र पत्रकार पक्राउ

सुवास विडारी

मकवानपुर — जिल्ला प्रहरी कार्यालय मकवानपुरले हीरा लुटपाटमा संलग्न तीन प्रहरी र एकजना पत्रकारलाई पक्राउ गरेको छ । पक्राउ पर्नेमा ललितपुर महानगरपालिका भैंसेपाटी बस्ने १९ वर्षीय सुजन आचार्य, सुर्खेत विरेन्द्रनगर १२ बस्ने २६ वर्षीय सुरेन्द्र बसेल, जाजरकोट शिवालय–२ बस्ने २७ वर्षीय वीरबहादुर बस्नेत र दाङ सिजुवा गाउँपालिका–१ बस्ने २८ वर्षीय हिमकान्त पुन मगर रहेका छन् । पक्राउ परेका आचार्य पत्रकार हुन् भने अन्य प्रहरी हुन् । 

मकवानपुर कैलाश गाउँपालिका–५, चौकिटार गोगनेकी धनलक्ष्मी गुरूङको घरमा हीरा खरिद गर्ने बहानामा पुगेका उनीहरूले आइतबार साँझ हीरा लुटपाट गरेका थिए । लुटपाट लुटिएको खबरपछि खटिएको इलाका प्रहरी कार्यालय पालुङको टोलीले उनीहरूलाई पक्राउ गरेका पत्रकार सम्मेलनमा जानकारी दिइएको छ ।


प्रहरीले उनीहरूको साथबाट हीरा एक थान, लोड अवस्थामा रहेको पेस्तोल एक थान, सञ्चार सेट ४ थान, क्यामेरा १ थान, मेटल डिटेक्टर १ थान, मोबाइल ६ थान, ल्यापटप १ थान बरामद गरेको छ । प्रहरीले लुटपाटमा प्रयोग गरेको प्रदेश–३–०१–०१–००२२ च ३३६२ नम्बरको कार समेत नियन्त्रणमा लिएको छ ।


पक्राउ परेका उनीहरू चोरी तथा डाका मुद्दाअन्तर्गत अनुसन्धान अघि बढाउने मकवानपुरका प्रहरी उपरीक्षक सुशीलसिंह राठौरले जानकारी दिए । प्रकाशित : चैत्र १०, २०७६ १६:५७

ADVERTISEMENT
प्रतिक्रिया
पठाउनुहोस्
ADVERTISEMENT

सेनाका ब्यारेक 'लक-डाउन' 

कान्तिपुर संवाददाता

काठमाडौँ — नेपाली सेनाले देशभरका पृतनाहरुलाई आन्तरिक सर्कुलर गर्दै फौजलाई ब्यारेकबाट बाहिर जान निषेध गरेको छ । सैनिक मुख्यालयले आठ वटै पृतना तथा त्यस मातहतका युनिटहरुलाई सम्भावित संक्रमण नियन्त्रण गर्न फौजलाई बाहिर निस्कन निषेध गरेको हो ।


लक डाउनसँगै ब्यारेक हाताभित्र रहेका सबै तहका सैनिकको खाटको दूरी पनि एक मिटर टाढा राख्‍ने गरी व्यवस्था गरिएको छ।

सेनाका प्रवक्ता सहायक रथी विज्ञानदेव पाण्डेले भने,'ब्यारेकभित्रका सबै सक्कल दर्जाहरुलाई भित्रै रहने गरी लक डाउन गरिएको छ।'

लक डाउनसँगै अति आवश्यक काममा बाहिर निस्कनु परे कमाण्डरको अनुमति र स्वास्थ्यकर्मीबाट अनिवार्य स्वास्थ्य जाँच गराउनुपर्ने व्यवस्था मिलाइएको छ।

यो पनि पढ्नुहोस्ः

प्रकाशित : चैत्र १०, २०७६ १६:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
×