भारतीय नम्बरको गाडीको ठक्करबाट ट्राफिक प्रहरी घाइते

उनलाई नवलपुरबाट मलंगवातर्फ गइरहेको बीआर ०६ पीएफ ०१९३ नम्बरको स्कोरपियोले ठक्कर दिँदा दाहिने खुट्टा भाँचिएको जिल्ला ट्राफिक प्रहरी कार्यालय नवलपुरले जनाएको छ । घाइते ट्राफिक जवान साहलाई नवलपुरमा सामान्य उपचारपश्चात थप उपचारका लागि वीरगन्ज पठाइएको छ ।

स्कार्पियो चालक कागजपत्र नदेखाई हुइँकिएपछि उक्त गाडी नियन्त्रण गर्नका लागि हरिपुरमा रहेको चेकपोस्टलाई खबर गरिएको थियो । सो गाडी रोक्ने क्रममा ट्राफिक प्रहरीलाई ठक्कर दिएर फरार भएको स्कोर्पियो हरिवन-५ घुर्कौलीस्थित खेतमा फेला परेको छ । स्कारपियो चालक भने फरार भएका र उनको खोजी भइरहेको जिल्ला प्रहरी कार्यालयले जनाएको छ ।