एमाले कोशी प्रदेश अध्यक्षका लागि खतिवडा र ढकालको उम्मेदवारी

एमाले कोशी प्रदेश अधिवेशनको अध्यक्ष मण्डलका सदस्य शिवमाया तुम्बाहाङ्फेले अध्यक्ष पदका लागि खतिवडा र ढकालको उम्मेदवारी दर्ता भएको जानकारी दिइन् । शनिबार अपराह्न साढे ४ बजेसम्मका लागि मनोनयन दर्ताको समय छुट्याइएको थियो ।

एमाले कोशी प्रदेश अधिवेशनले नेतृत्व चयनका लागि आइतबार बिहान ११ देखि अपराह्न ४ बजेसम्मको समय छुट्याइएको छ । अध्यक्ष पदका प्रत्याशी खतिवडाले उम्मेदवारी दर्ता गराएको र भोलि निर्वाचन हुने बताए । उनले पार्टीको आन्तरिक निर्वाचन भएकाले सकेसम्म समझदारीको प्रयास गरिने पनि जानकारी दिए ।

प्रदेश समितिमा अध्यक्ष, एक उपाध्यक्ष, एक सचिव र दुई उपसचिव निर्वाचित हुनेछन् । एमाले कोशी प्रदेश समिति पदाधिकारीसहित २ सय १५ सदस्यीय हुनेछ ।