प्रतिष्ठानको अक्सिजन प्लान्ट आंशिक रुपमा बन्यो
सुनसरी — वीपी कोइराला स्वास्थ्य विज्ञान प्रतिष्ठानको चारदिन अघि बिग्रेको अक्सिजन प्लान्ट आंशिक रुपमा मर्मत भएपछि बुधबार बिहानदेखि अक्सिजन उत्पादन गर्न थालेको छ ।
प्लान्टबाट अक्सिजन उत्पादन बन्द भएपछि गत आइतबार राति ११ बजेदेखि प्रतिष्ठानमा बेहोस बनाएर गरिने सबै खाले शल्यक्रियाहरु रद्ध गरिएको थियो ।
आकस्मिक शल्यक्रिया गर्नुपर्ने कतिपयलाई अन्यत्र रिफर गर्नु परेको प्रतिष्ठान स्रोतले जनाएको छ ।
प्रतिष्ठानका मेट्रोन उपेन्द्र यादवले अक्सिजन प्लान्टबाट अक्सिजन उत्पादन भएसँगै रोकिएका शल्यक्रियाहरु सुरु हुन थालेको बताए ।
प्रकाशित : माघ १, २०७६ १५:५६प्रतिक्रिया
