कान्तिपुर वेबसाईट
AdvertisementAdvertisement

असनमा किनमेलको घुइँचो [तस्बिरहरु]

तस्बिर : दिपेन्द्र रोक्का

काठमाडौँ — दसैं सुरु भएसँगै काठमाडौं असन बजारमा पनि मानिसको भीड बढेको छ । त्यहाँ शनिबारको भीड देख्दा मानिसले कोरोना भाइरस संक्रमणको जोखिम बिर्सिसकेको आभाष हुन्थ्यो । भीडभाड भए तापनि व्यापारीहरू सोचेअनुरूप कारोबार नभएको बताउँछन् ।

राजधानीको असनमा लत्ता कपडादेखि खाद्यान्नका सामान सहजै पाउने भएकाले पनि यस क्षेत्रमा मानिसहरूको विशेष भीड लाग्ने गर्छ । प्रत्येक वर्ष आश्विन शुक्ल प्रतिपदादेखि सुरु हुने पर्व बडादसैँ बिहीबारदेखि सुरु भएको छ । यो पर्व आश्विन शुक्ल पूर्णिमासम्म १५ दिन मनाउने गरिन्छ । यस वर्ष टीका २९ असोजमा परेको छ । जसका लागि काठमाडौंबाहिर नै नागरिकको संख्यासमेत बढीरहेको ट्राफिक प्रहरीले जनाएको छ ।


प्रकाशित : आश्विन २३, २०७८ २०:३७
प्रतिक्रिया
पठाउनुहोस्

चुरा पोते व्यापारमा छैन उत्साह [तस्बिरहरू]

तस्बिर : दिपेन्द्र रोक्का

काठमाडौँ — तीजको पूर्वसन्ध्यामा काठमाडौंको इन्द्रचोकस्थित चुरा पोते बजारमा तीजको अघिल्लो दिन चहलपहल कम देखियो । कोरोना महामारीका कारण यहाँको पोते बजार अघिल्लो वर्षभन्दा केही चहलपहल देखिएपनि व्यापारीहरुमा कुनै उत्साह छैन । तिजमा विवाहित महिलाहरुका लागि चुरा र पोतेले विशेष महत्त्व राख्दछ ।

अरुबेला सधैं व्ययस्ता हुने इन्द्र चोकको पोते बजारमा सामान्य भीडभाड देखिएपनि साउनमा अलिक धेरै हुने गर्छ । यसवर्ष अघिल्लो वर्षको तुलानामा व्यापार बढेको व्यवसायीहरु बताउँछन् । २३ वर्षीय बेन्जु खानले इन्द्र चोकको पोते बजारमा काम गर्न थालेको ११ वर्ष भयो । कोरोना महामारीअघि उनले दैनिक ७५ देखि ८० हजार रूपैयाँको व्यापार गर्दथे । अहिले त्यो घटेर २५ देखि ३० हजारमा पुगेको छ । अघिल्लो वर्ष शून्य जस्तो रहेको व्यापार यस वर्ष केही बढेको उनले सुनाए । कोरोनाका कारण यसवर्ष पनि मानिसहरु संक्रमणको डरले बजारमा ननिस्किएको उनले बताए । 'नयाँ डिजाइनका सामानहरु यो वर्ष निकालिएन नत्र पहिलेको वर्षमा विभिन्न डिजाइनका सामानहरु मेरो पसलमा थियो,' उनले भने ।


प्रकाशित : भाद्र २३, २०७८ १६:३५
पूरा पढ्नुहोस्
प्रतिक्रिया
पठाउनुहोस्
×