कान्तिपुर वेबसाईट
AdvertisementAdvertisement

तस्बिरमा हेरौं, सुर्खेत उपत्यका सेरोफेरो

शब्द/तस्बिर : हरिहरसिंह राठौर

काठमाडौँ — देशकै सबैभन्दा ठूलो ताल राराको प्रवेशद्वार सुर्खेतमा अहिले कर्णाली प्रदेशको राजधानी छ । राणाकालमा औंलोको निकै प्रकोप रहने भएकोले खासै बस्ती थिएन । बसोबास र सहरीकरण बढेसँगै यो उपत्यका अहिले सुन्दर बनेको छ । वीरेन्द्र नगरपालिका क्षेत्रमा पर्ने यस उपत्यकामा ब्राह्मण, क्षेत्री, मगर, थारु, कामी, सार्की, दमाई, दशनामी सन्यासी आदि प्रमुख जातिहरु बसोबास गर्छन् । विभिन्न जिल्लाहरुबाट बसाइँ सरी आएकाले यहाँको चालचलन, रीतिथिति/ संस्कृतिमा समेत विविधता पाइन्छ ।

कर्णाली प्रदेशका अधिकांश जिल्लामा उपभोग्य सामग्रीहरु वीरेन्द्रनगरबाट जाने हुँदा यो पश्चिम नेपालकै प्रमुख व्यापारिक एवं शैक्षिक पर्यटकीय केन्द्रसमेत बन्न पुगेको छ । देशको सन्तुलित विकासको निम्ति भन्दै तात्कालीक चार विकास क्षेत्रमा विभाजन गर्दा वीरेन्द्रनगर सुदूर पश्चिमाञ्चल विकास क्षेत्रको सदरमुकाम घोषणा गरिएको थियो । साविकको वीरेन्द्रनगरलाई नेपालकै व्यवस्थित गुरुयोजना भएको सहरका रुपमा चिनिएको छ । यस नगरपालिकाभित्र ईसं १२६८ मा निर्माण गरिएको काँक्रे विहार, बुलबुले ताल, देउतीवज्यै मन्दिर प्रशिद्ध छन् ।

प्रकाशित : भाद्र २९, २०७८ १७:१५
प्रतिक्रिया
पठाउनुहोस्

बेपत्ता बालिका ९ दिनपछि मृत फेला

आनन्द गौतम

ताप्लेजुङ — पाँचथरको हिलिहाङ गाउँपालिका-७ सल्लेरीकी ४ वर्षीया बालिका बेपत्ता भएको ९ दिनपछि मृत फेला परेकी छन् । भदौ २१ गते हेवा खोलामा साथीहरुसँगै नुहाउन गएकी गजेन्द्र योङयाको छोरी त्यही क्रममा बेपत्ता भएकी थिइन् ।

जिल्ला प्रहरी कार्यालय पाँचथरका प्रहरी निरीक्षक डम्बर विश्वकर्माका अनुसार उनको शव हराएको स्थानदेखि एक किलोमिटर तल ढुंगामा अड्केको अवस्थामा फेला परेको हो ।

शव पोष्टमार्टमका लागि जिल्ला अस्पताल ल्याइएको विश्वकर्माले बताए । घटनास्थल सदरमुकाम फिदिमबाट १० किलोमिटर दूरीमा रहेको छ ।

प्रकाशित : भाद्र २९, २०७८ १६:५२
पूरा पढ्नुहोस्
प्रतिक्रिया
पठाउनुहोस्
×