अलबिदा ! जेबी टुहुरे [तस्बिरहरू]
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
काठमाडौँ — बिहीबार निधन भएका प्रगतिशील, जनवादी, क्रान्तिकारी गायक जेबी टुहुरे बिदाइ गरिएको छ । काठमाडौंको पेरिसडाँडास्थित माओवादी केन्द्रको केन्द्रीय कार्यालयमा नेताहरु एवं शुभेच्छुकहरुले बिदाइ गरेका हुन् । टुहुरेको अन्तिम संस्कार पशुपतिमा गरिने बताइएको छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-11-2682021122828-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-3-2682021122650-1000x0.jpg&w=1001&h=0)
मस्तिष्कघात भएर बयोधा अस्पतालमा उपचारत टुहुरेको ७८ वर्षको उमेरमा निधन भएको हो । भदौ १ गते मंगलबार कलंकीस्थित निवासमा लडेपछि उनलाई बयोधा पुर्याइएको थियो । उपचारकै क्रममा चिकित्सकले उनलाई मस्तिष्कघात भएको बताएका थिए । टुहुरेका पत्नी सत्यदेवी, एक छोरा, चार छोरी छन् ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-9-2682021122804-1000x0.jpg&w=1001&h=0)
२००१ कार्तिक १५ मा धरानको पुरानो बजारमा जन्मिएका जेबीले न्याय समानता र परिवर्तनको पक्षमा उभिँदै जनमत निर्माणका लागि आफ्नो आवाज दिए । माले भूमिगत हुँदा सांस्कृतिक कार्यक्रममार्फत उनले पार्टीका कुरालाई आमजनता माझ पुर्याए । जेबीको पूरा नाम जुठबहादुर खड्गी हो। २०२१ मा बुवाको निधनपछि उनी टुहुरो बने । त्यतिबेला उनले आफूलाई वास्तवमै टुहुरो अनुभव गरे । त्यतिखेर 'निक नेम' राख्ने चलन पनि थियो । उनले आफ्नो नामको पछाडि 'टुहुरे' थपे । त्यसयता प्रगतिशील गायन क्षेत्रमा उनी टुहुरेकै नामैले चिनिए ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-8-2682021122751-1000x0.jpg&w=1001&h=0)
२०२० को दशकदेखि कम्युनिष्ट पार्टीको निकटमा रहेर कम्युनिष्ट पार्टी निर्माणका लागि गीत गाउँदै हिँडे उनी । २०६६ मा उनी माओवादीमा प्रवेश गरे । त्यसयता माओवादीका लागि उनले आफ्नो स्वर दिँदै आएका थिए । २०७० मा उनी संविधानसभा सदस्य समेत भएका थिए । क्रान्तिकारी गीत गाएकै कारण उनी कयौंपटक जेल जानुपर्यो । उनी तत्कालीन मालेका नेता मात्रै नभई सांस्कृतिक टोलीका नेता पनि थिए । उनले पार्टीको लागि गाउँदै हिँड्दा जीवन गुजाराका लागि कपडा पसलदेखि साग बेच्नेसम्म र किताब पसल तथा होटलसमेत चलाए ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-10-2682021122816-1000x0.jpg&w=1001&h=0)
२०४६ सम्म विराटनगरमा रहेर पार्टीका लागि गाउँदै हिँडेका टुहुरे २०४७ पछि भने काठमाडौं आएका थिए । पाँच दशक प्रगतिशील सांस्कृतिक क्षेत्रमा सक्रिय रहेका टुहुरेका 'आमा दिदी बहिनी', 'बसाईं हिँड्नेको ताँतीले', 'आँधी खोलैले', 'चौरी चर्ने ठाउँमा', 'छोराहरु हो', 'जुनीभरी मुटु', 'दु:खको बोझ', 'रातको अनिँदो'लगायतका थुप्रै गीत चर्चित छन् ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-7-2682021122739-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-5-2682021122714-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-2-2682021122636-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-1-2682021122623-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2021/miscellaneous/jb-tuhure-bidai-6-2682021122727-1000x0.jpg&w=1001&h=0)