कान्तिपुर वेबसाईट
AdvertisementAdvertisement

साताका ७ तस्बिर

कान्तिपुर संवाददाता

काठमाडौँ — यो साता हामीलाई उत्कृष्ट लागेका सात तस्बिरहरु ।कोरोना संक्रमणका कारण मृत्यु हुनेको संख्या बढ्दै गएपछि पशुपति आर्यघाटसँगै वाग्मती नदीको किनारमा शव जलाइदै । संक्रमणबाट मृत्यु हुनेको संख्या बढेसँगै नदी किनारमा शव जलाउन थालिएको हो । तस्बिर : हेमन्त श्रेष्ठ

भक्तपुर चाँगुनारायण नगरपालिकास्थित नेपाल इन्जिनियरिङ कलेजमा बनाइएको एक सय शय्याको आइसोलेसन सेन्टर । त्यहाँ बिरामीलाई आवश्यक पर्ने साबुन,स्यानिटाइजर,टावेल, टुथपेस्टलगायतका सबै सामाग्री राखिएको छ । तस्बिरः अंगद ढकाल

कोरोना संक्रमण बढ्दै गएपछि सरकारले गरेको निषेधाज्ञामा सवारी अत्याधिक चलेपछि जडिबुटीमा सुरक्षाकर्मीहरुले पास जाँच गर्दा जाममा परेको एम्बुलेन्स । तस्बिर :हेमन्त श्रेष्ठ

वीर अस्पतालमा इमर्जेन्सी र कोभिड संक्रमणका बिरामीको उपचारका लागि ६ महिना सेवा करारमा कर्मचारी माग गरेपछि शुक्रबार आवेदन दिनेहरुको भिड । तस्बिर : केशव थापा

टेकुस्थित शुक्रराज ट्रपिकल अस्पतालमा कोरोना संक्रमित बिरामीलाई इमर्जेन्सीमा सारिँदै । तस्बिरः इलिट जोशी

ललितपुरको पुलचोकस्थित रातो मछिन्द्रनाथको रथमा पांग्रा लगाउँदै गुठीका सदस्यहरु । तस्बिर : बिजु महर्जन

बेनी–जोमसोम ७६ किमी सडकको तेस्रो प्याकेज अन्तर्गत मुस्ताङको कोवाङदेखि तल कैकुखोलासम्मको १६ किमी क्षेत्रमा कालोपत्रे गरिँदै । तस्बिर सौजन्य : राजन न्यौपाने, जगुरमुखी कन्ट्रक्सन ।


प्रकाशित : वैशाख २५, २०७८ १८:२३
प्रतिक्रिया
पठाउनुहोस्

उपत्यकामा २४ घण्टामा ३ हजार १ सय १३ जनामा कोरोना पुष्टि

कान्तिपुर संवाददाता

काठमाडौँ — काठमाडौं उपत्यकामा पछिल्लो २४ घण्टामा ३ हजार १ सय १३ जनामा कोरोना पुष्टि भएको छ । स्वास्थ्य तथा जनसंख्या मन्त्रालयले शनिबार दिएको जानकारी अनुसार उपत्यकाका तीन जिल्लामा उक्त संख्यामा संक्रमित थपिएका हुन् । तथ्यांक अनुसार काठमाडौंमा २२ सय ७०, ललितपुरमा ४ सय ६२ र भक्तपुरमा ३ सय ८१ जना संक्रमित भएका छन् । 

विभिन्‍न जिल्लाका प्रयोगशालामा २४ घण्टामा १७ हजार ३ सय १५ पीसीआर परीक्षण गरिएको छ । जसबाट देशभर भने ८ हजार २ सय ८७ जनामा संक्रमण पुष्टि भएको छ । योसँगै नेपालमा संक्रमितको कूल संख्या ३ लाख ८५ हजार ८ सय ९० पुगेको छ ।

यस्तै सोही अवधिमा ५३ जनाको मृत्यु भएको मन्त्रालयको तथ्यांक छ । यो समेत गरी मृतकको संख्या ३ हजार ६ सय ३२ पुगेको छ । २४ घण्टामा एन्टिजेन विधिबाट गरिएको ९ सय ९८ परीक्षणमा १ सय ३१ जनामा पोजिटिभ देखिएको छ । पछिल्लो २४ घण्टामा ३ हजार ३ सय ७० जना डिस्चार्ज भएका छन् । हालसम्म निको हुनेको संख्या २ लाख ९८ हजार ७ सय ६५ पुगेको छ ।

नेपालमा सक्रिय संक्रमितको संख्या भने ८३ हजार ४ सय ९८ पुगेको छ । क्वारेन्टाइनमा रहनेको संख्या ३ सय ९८ रहेको मन्त्रालयले जनाएको छ । हालसम्म पीसीआर परीक्षण २६ लाख १५ हजार ७ सय २० गरिएको छ ।


प्रकाशित : वैशाख २५, २०७८ १८:२०
पूरा पढ्नुहोस्
प्रतिक्रिया
पठाउनुहोस्
×