प्रदूषणमा ‘सरकारी मौनता’ विरुद्ध सिंहदरबारअगाडि विद्यार्थीको प्रदर्शन [तस्बिरहरू]

तस्बिर : केशव थापा

काठमाडौँ — डढेलो र वायुप्रदूषणले जनस्वास्थ्य संकटमा परे पनि सरकार मौन बसेको भन्दै युवा–विद्यार्थीले शुक्रबार काठमाडौंमा प्रदर्शन गरेका छन् ।  हातमा बिरुवा र वातावरण संरक्षणका सन्देश लेखिएका ब्यानर बोकेर सिंहदरबार पुगेका उनीहरूमध्ये केहीलाई प्रहरीले पक्राउ गरेको छ ।

काठमाडौँ विश्वकै प्रदूषित सहरमध्ये एक नम्बरमा हुँदा पनि वातावरण मन्त्रालयले  सुधारका लागि कुनै दीर्घकालीन योजना नल्याएको भन्दै विद्यार्थीले आक्रोश पोखे ।

सिंहदरबारको पश्चिम गेटअगाडि प्रदर्शन गरेका उनीहरूले वातावरणीय संकटकाल घोषणा गर्न मागसमेत गरे । विद्यार्थीहरूको प्रदर्शनपछि प्रहरीले उक्त क्षेत्रमा कडाइ गर्दै बटुवाहरूमाथिसमेत खानतलासी बढाएको थियो ।  

केही दिनयता प्रदूषण ह्वात्तै बढेपछि सरकारले विद्यालय बन्द गरेको छ । प्रदूषणले श्वासप्रश्वासलगायत विभिन्न स्वास्थ्य समस्या निम्त्याउन सक्ने विज्ञले औंल्याएका छन् ।


प्रकाशित : चैत्र २०, २०७७ १२:४६
प्रतिक्रिया
पठाउनुहोस्

कोरोना संक्रमणपछि सचिन तेन्दुलकर अस्पताल भर्ना

कान्तिपुर संवाददाता

काठमाडौँ — कोरोना संक्रमणपछि भारतीय पूर्व क्रिकेटर सचिन तेन्दुलकर अस्पताल भर्ना भएका छन् । सचिनले ट्वीट गर्दै चिकित्सकको सल्लाहअनुसार पूर्वसावधानी अपनाउन आफू अस्पताल भर्ना भएको बताएका छन् ।

फाइल तस्बिर : रोयटर्स

सचिनले लेखेका छन्, ‘चिकित्सकीय सल्लाहबमोजिक अस्पताल भर्ना भएको छु । मलाई आशा छ केही दिनमै घर फर्कनेछु । सबै जनाले आफ्नो ख्याल राख्नुहोला, सुरक्षित रहनुहोला ।’

सचिनले भारतीय क्रिकेट टिमले सन् २०११ मा विश्वकप जितेको १० वर्ष पूरा भएकोमा पनि बधाई दिएका छन् । सन २०११ मा आजकै दिन भारतीय क्रिकेट टिमले विश्वकप फाइनलमा श्रीलंकालाई हराएर उपाधि चुमेको थियो ।

यसअघि सचिनले शनिबार ट्वीटमार्फत नै आफूलाई कोरोना संक्रमण पुष्टि भएको जानकारी दिएका थिए । उनले कोरोना संक्रमण हुनुअघि सामान्य लक्षणहरु देखा परेको बताएका थिए । त्यस्तै आफूलाई संक्रमण पुष्टि भए पनि परिवारका अन्य सदस्यहरुको रिपोर्ट भने नेगेटिभ आएको उनले बताएका थिए ।

प्रकाशित : चैत्र २०, २०७७ १२:२६
पूरा पढ्नुहोस्
प्रतिक्रिया
पठाउनुहोस्
×