भेरी नदी किनारका रमणीय गाउँ [तस्बिरहरु]
भेरी — देशैभरका स्थानीय सरकारहरुको होडबाजी यतिखेर ग्रामिण दूरदराजमा सडक पुर्याउनेछ । ग्रामिण सडक निर्माणसँगै दुर्गम बस्तीहरुमा निर्माण सामाग्रीहरु ढुवानी सहज भएका छन् । सडक पहुँच भए पनि विशेष गरी नदी किनारमा पर्ने सुर्खेत, सल्यान, जाजरकोट, रुकुमका बस्तीहरुमा सिमेन्टका आधुनिक घर निर्माणमा अझै रुचि छैन ।
सबै बस्तीमा मौलिक र नेपालीपन झल्कने घरहरुकै बाहुल्यता छ । सडक छेउका केही व्यापारिक केन्द्रहरु बाहेक छेउछाउका बस्ती मौलिक घरहरुले नै भरिएका छन् । भेरी नदीको तिरैतिर सुर्खेतदेखि सल्यान, जाजरकोट, रुकुम हुँदै डोल्पासम्म दर्जनौं मौलिक बस्तीहरु छन् ।
छिन्चु, बोटेचौर, सल्लीवजार, जामुनेबजार, छेडाबजार, रिम्ना, कालिमाटी, दल्ली, चौखा हुँदै डोल्पासम्म स–साना व्यापारिक केन्द्रहरु छन् । भेरी नदीकै माछामा निर्भर बजारमा स–साना होटलहरु पनि थुप्रै छन् ।
थुप्रै व्यापारिक केन्द्रहरुमा मोटरसाइकलका शोरुम, मर्मत केन्द्र, मोबाइल र टेलिभिजन पसल थुप्रै सञ्चालनमा छन् ।
गाउँ बस्तीहरुमा युवाहरु छैनन् । गाउँ बस्तीहरु रमणीय भए पनि सिँचाई हुने खेतबारी बाहेक अन्य जग्गाहरु बाँझै छन् ।
सबै तस्बिरहरु ड्रोनबाट लिइएका हुन् ।
