दुई पांग्रेको सवारी, दुईजना नै भारी !

यो नियम खासमा आँखामा हेर्न पाउने तर एउटामात्रै भनेजस्तो थियो । किनभने, युरोप अमेरिकातिरजस्तो मोटरसाइकल नेपालमा सोखको सवारी होइन, जो एकैजनाले बत्ताउँछन् । बरु यो त परिवारका सदस्य, साथीसंगी र सहकर्मीहरुलाई समेत बोकेर हिँड्ने यातायातको भरपर्दो सवारीसाधन हो । ट्राफिक जामले हैरान पार्ने बिग्रिएका सडक भएको राजधानीमा मोटरसाइकल व्यक्गितग सवारी होइन, पारिवारिक सम्पति हो । 

सरकारले लकडाउन खुकुलो बनाउने निर्णयसँगै चार पांग्रेलाई जोर बिजोरको नियम लगायो । मोटरसाइकललाई जोरबिजोर लागु हुँदैन । तर, गाडीमा चारजना र बाइकमा एकजनाको नियमले धेरैको सवारी रोकिदियो । शुक्रबार राजधानीका सडकमा ट्राफिक प्रहरीहरु दुईजना सवार मोटरसाइकललाई रोक्ने मान्छे ओराल्दै गरेका देखिए ।