दीपक केसी

दीपक केसीका लेखहरु :

दसैंघरमा राखियो जमरा

नवरात्रको पहिलो दिन सोमबार घटस्थापनाको अवसरमा घरघरमा दसैंको जमरा राखिएको छ । दसैंको पहिलो दिन घटस्थापनाका अवसरमा घरघरमा जमरा राख्‍ने गरिन्छ । यही अवसरमा काठमाडौंको वसन्तपुरमा रहेको दसैं घरमा पनि जमरा राखिएको छ । नेपाली सेनाको टोलीले मंगल धुन बजाएर बढाईं गरेसँगै शनिबार बिहान १०: २३ को शुभसाइतमा जमरा राखिएको हो ।

गुम्बामा एलिजाबेथको श्रद्धाञ्जली सभा

बेलायती महारानी एलिजाबेथ द्वितीयाको सोमबार राजकीय सम्मानका साथ अन्त्येष्टि गरिँदैछ । उनको निधन भएको ११औं दिनमा बेलायत मात्रै नभएर विभिन्न देशमा उच्च सम्मानसाथ महारानी एलिजाबेथको श्रद्धाञ्जली सभा गरिँदैछ । यसै क्रममा काठमाडौंको बौद्धस्थित सेतो गुम्बामा महारानी एलिजाबेथ द्वितीयाको तस्बिर राखेर बौद्ध संस्कार तथा परम्परा अनुसार श्रद्धाञ्जली सभा गरिएको छ ।

पहिले यता हेर महानगर

काठमाडौं महानगरले फुटपाथमा व्यापार गर्नेलाई निषेधको नीति लिएको छ । त्यही नीति कार्यान्वयन गर्न नगर प्रहरीको एउटा टुकडीले फुटपाथमा व्यापार गर्नेलाई हटाउँछ । यस क्रममा शुक्रबार बालुवाटारमा सडकछेउमा मकै पोलेर बेचिरहेका एक दम्पतीको ठेलागाडा नियन्त्रणमा लियो । र, उनीहरुमाथि सामान्य मानवीय व्यवहारसमेत गरिएन ।

कान्तिपुर हाफ म्याराथनको रौनक

कान्तिपुर मिडिया ग्रुपले जलवायु परिवर्तन संकटको प्रभाव र नियन्त्रणको आवश्यकताबारे सचेतना जगाउन 'रन द कान्तिपुर हाफ म्याराथन २०२२' सम्पन्न भएको छ । ‘जलवायु परिवर्तन’ नाराका साथ कान्तिपुर हाफ म्याराथनको दसौं संस्करण सुरु भएको हो । प्रधानमन्त्री शेरबहादुर देउवाले झन्डा हल्लाएसँगै म्याराथन सुरु भएको थियो ।

बानेश्‍वरमा अश्रुग्यास र पानीको फोहरा

अमेरिकासँगको एमसीसी सम्झौताको विरोधमा भएको प्रदर्शनले बुधबार नयाँ बानेश्वर केही घण्टा तानवग्रस्त बन्यो । सत्ता पक्ष र संसद् बाहिर रहेका दलहरुले गरेको प्रदर्शनमा प्रहरी हस्तक्षेप भएपछि झडप समेत भएपछि स्थिति तनावपूर्ण हो । संघीय संसद् भवन प्रवेश गर्ने १ नम्बर गेट अगाडि प्रदर्शनकारीले निषेधित क्षेत्र तोड्ने क्रममा प्रहरीसँग घम्साघम्सी पर्‍यो ।