म राष्ट्रिय सभा चुनावमा उम्मेदवार बन्दिनँ : महासचिव गुरुङ

उनले राष्ट्रिय सभा निर्वाचनका लागि आफू उम्मेदवार बन्न कसैसँग लबिइङ नगरेको दाबी गरे । माओवादी स्रोतले उनी राष्ट्रिय सभामा जान चाहेको कान्तिपुरसँग बताएको थियो । ‘जुन स्रोतले भनेको भए पनि म राष्ट्रिय सभामा जाने सोचेको छैन,’ उनले भने ।

उनी गत आम निर्वाचनमा लमजुङबाट प्रतिनिधिसभा निर्वाचनमा पराजित भएका थिए । प्रतिनिधिसभामा माघ २० मा रिक्त हुन लागेका १९ सिटका लागि गत निर्वाचनमा माओवादीबाट पराजित नेताहरू उम्मेदवार हुन चाहेका छन् ।

शनिबार कान्तिपुरमा 'चुनाव हारेका माओवादी नेता राष्ट्रिय सभा ताक्दै' शीर्षकमा समाचार प्रकाशित भएको थियो । महासचिव गुरुङ गत प्रतिनिधिसभा निर्वाचनमा लमजुङबाट एमाले नेता पृथ्वीसुब्बा गुरुङसँग पराजित भएका थिए ।