संसद् सेवा दिवस मनाउन्जेल महासचिवलाई काम गर्न दिएको भए हुन्थ्यो : उपाध्यक्ष अर्याल
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — राष्ट्रिय सभाकी उपाध्यक्ष उर्मिला अर्यालले संघीय संसद्को महासचिवबाट भरतराज गौतमलाई राजीनामा गराइएको भन्दै असन्तुष्टि जनाएकी छन् । १७ औं संसद् सेवा दिवसका अवसरमा संघीय संसद् सचिवालयमा आयोजित समारोहमा बिहीबार उपाध्यक्ष अर्यालले महासचिवको राजीनामा गराइएको भन्दै असन्तुष्टि जनाएकी हुन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![संसद् सेवा दिवस मनाउन्जेल महासचिवलाई काम गर्न दिएको भए हुन्थ्यो : उपाध्यक्ष अर्याल](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2023/third-party/urmila-14122023084547-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
संसद् सेवा दिवस मनाइरहँदा महासचिवबाट गौतमलाई नै राजीनामा गराउनु सही नभएको उपाध्यक्ष अर्यालको भनाइ थियो । 'महासचिवको राजीनामा गराइयो । संघीय संसद् दिवस भइन्जेल राजीनामा नगराइएको भए हुन्थ्यो । संसद् सेवा दिवस मनाउन दिएको भए हुन्थ्यो,' उनले भनिन् । विधिको स्थापना गरेर अगाडि बढ्नुपर्ने उनको भनाइ थियो ।
संसद्का कामहरू पारदर्शी हुनुपर्ने पनि उपाध्यक्ष अर्यालले बताइन् । संसद्को विश्वसनीयता बढाउनका लागि संसद्ले गर्न कामहरू पारदर्शी नेतृत्वबाट हुनुपर्ने उनको भनाइ थियो । संसद् सेवाका कर्मचारीलाई यो ठाउँको नेतृत्वमा अवसर दिनुपर्ने उनले बताइन् । 'निर्णायक ठाउँमा यहाँका कर्मचारीलाई नेतृत्व दिनुपर्छ, आगामी दिनमा हामीले त्यसरी नै अगाडि जानुपर्छ,' उनले भनिन् ।
१७ औं संसद् सेवा दिवसको अवसरमा सप्ताहव्यापी कार्यक्रम चलिरहेको बेला संसद्का महासचिव भरतराज गौतमले राजीनामा गरेका थिए । आइतबार उनले राजीनामा दिएका थिए भने सभामुख देवराज घिमिरे र राष्ट्रिय सभाका अध्यक्ष गणेशप्रसाद तिमिल्सिनाले सोमबार महासचिवमा प्रतिनिधिसभा सचिव पद्मप्रसाद पाण्डेयलाई सिफारिस गरेका थिए ।
राष्ट्रपति रामचन्द्र पौडेलले गौतमको राजीनामा स्वीकृत गरेका छन् भने नयाँ महासचिवमा पाण्डेयको नियुक्ति भइसकेको छैन । रित नपुगेको भन्दै राष्ट्रपति कार्यालयले नियुक्ति प्रक्रिया अध्ययनका क्रममा राखेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)