सर्वोच्चका प्रस्तावित न्यायाधीशहरूको सुनुवाइ मंसिर २९ बाट

एक दिनमा दुइ जनाको सुनुवाइ गर्ने गरी समय निर्धारण गरिएको छ । आइतबार न्यायाधीशहरूमाथि उजुरी गर्ने उजुरीकर्ताहरूसँग समितिले छलफल गरेको थियो ।

न्याय परिषद्ले सर्वोच्च अदालतको न्यायाधीशमा सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनीलकुमार पोखरेल र बालकृष्ण ढकाललाई सिफारिस गरेको थियो । उनीहरूको संसदीय सुनुवाइ प्रक्रियाका क्रममा आइतबार उजुरी तथा सूचनाकर्ताहरूसँग छलफल भएको थियो ।

न्यायाधीशमा सिफारिसहरूविरुद्ध उजुरी तथा सूचना दिनेहरूसँग संसदीय सुनुवाई समितिले छलफल गरेपछि सिफारिस भएका व्यक्तिको सुनुवाइ मिति तय गरिएको हो ।